不愧為人氣女將，蔣嘉琦這天即使於第五、六場「嘉福」及「美麗皇者」均屈居亞軍，惟跑到第七場，佢憑苗廐「快寶駒」一放到底，大勝逾兩馬位，單Win及組合獨贏A1，分別派87及20元正。蔣嘉琦取得這天個人首捷，她亦已連勝11個賽日。
苗禮德訓練的「快寶駒」爭第七場三班1000米，此駒同嘉琦BB堪稱天作之合，人馬自前仗開始並肩作戰以來，直到今場為止，已經攜手連勝三場田草直路賽，並由四班贏到今場初上三班亦勝，這三次都係從內檔衰位出閘，然後一鼓作氣地由頭帶到尾贏馬，人馬就此保持合作不敗，而連同季初由田泰安贏四班直路賽開齋在內，「快寶駒」成為苗禮德旗下季內首匹四捷馬，難怪馬主兼馬會主席葉錫安拉頭馬時，笑到見牙唔見眼。
今場第二名由梁家俊夥拍「要風得鋒」前置下拎到，大熱門「皇仁大師」羅理雅騎14檔起步，沿途前面有馬擋住望空唔到，拉士姍姍來遲後追第三。第四名係與「皇仁大師」同系的「皇龍大將」，後駒鞍上人寶遜在港仍未勝出頭馬，四重彩派一萬八千幾。 |
發表於 2016-5-29 09:45 PM
| 