近期夜賽最醒練馬師必要定數蘇保羅，近三次周三賽事分別憑「奪目商人」、「光芒再現」及「尚華盛甲」取得頭馬，今期(27日)蘇廐仍不乏精銳分子，當中一對跑谷草未輸過之「活力小駒」及「實力飛駒」，最有機會替馬房延續夜賽連勝紀錄。
第八場二班1200米，「活力小駒」上季出道至今八戰五勝而從不入位置，包括今季三戰未逢敵手，跑出水準甚少搏輸，實力深不可測。其中上仗初次轉往快活谷上陣，沿途放頭而末段仍能將大部份對手彈甩勝出，看走勢有餘未盡，今次雖然初上二班作賽，但少負五磅有利，有力保持今季不敗之身。
至於第二場四班1000米，「實力飛駒」前仗初出跑谷草即一放到底勝出，盡顯早熟快馬本色，上仗轉跑田草1000米，抽得直路賽最不利之一檔起步，雖然只得第六但亦輸得接近，今仗打王牌重返贏馬路程，同組對手多欠近績根據，坐位望贏應可做到。 |
發表於 2016-4-26 07:06 PM
| 
