孔子曰︰「不怨天，不尤人。」對於港鐵嚟講，呢句說話顯然係對牛彈琴。嗱，廣深港高鐵香港段工程一再延誤，港鐵賴完天氣同地質後，日前又賴工人不足喎，總之乜都唔關佢哋事，問你服未。1 b: H* R7 P0 b3 @7 l, ^; M
港鐵日前承認，以天價六百六十九億元興建嘅高鐵工程最少延誤九個月，估計最快二○一七年至可以通車。港鐵歸咎上個月一場黑雨後洪水浸壞鑽挖機，加上西九總站石層堅硬、地質複雜阻礙工程進度，之後又話工人不足所以追唔上進度喎，真係名副其實「怨天尤人」。
! l% m8 Q' ^+ i' B7 wos.tvboxnow.com好心港鐵卸責都搵好啲嘅藉口，唔好侮辱市民智慧喇。地質複雜應該一早知，正如有工程師話齋，事件反映港鐵進行工程前勘探不足，原先設計要大執，以致要邊設計邊建造；亦有工人踢爆工程圖則經常更改，有時一日開得嗰兩、三個鐘頭工，有乜辦法唔延誤呀？" p; s8 {" G/ c& `! Z; h) |
即係咁，港鐵好似唧牙膏咁，講法天天新款，固然無賴，而負責監管嘅港府一味卸膊，更加抵鬧。對於高鐵工程無法如期完工，運輸及房屋局局長張炳良竟然好似啱啱瞓醒咁，話上周至收到港鐵通知，覺得「非常驚訝、意外同失望」喎。其實舊年已流傳高鐵西九總站設計出問題，令工程延誤同超支四十四億元啦，港產官僚當時點解唔跟進呢？立法會議員就講得啱嘞，政府分明想卸膊，同港鐵扯貓尾糊弄市民。
+ G7 w( a/ ^% Z. k' jos.tvboxnow.com唔理港鐵同港府係鬥卸膊定係扯貓尾，市民始終最關心兩件事︰第一係幾時通車；第二係超支幾多。高鐵工程愈揭愈多問題，二○一七年係咪真係搞得掂，完全唔樂觀；至於超支問題，雖然港鐵死撐六百六十九億元預算夠使，但目前淨係工程延誤引發嘅索償就達七十五億元，有人估計整個工程最終睇怕冇一千億元都落唔到樓。
% Y, u) N, E+ _% b: V ]TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。俗語話，人比人激死人。廣深港高鐵全長一百四十幾公里，其中佔一百一十公里嘅廣深段早喺二○一一年通車，造價只需一百六十幾億元人民幣。反觀香港段，路程短，興建慢，造價高，難怪有人諷刺，就算用黃金鋪路都唔使咁貴喇！TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。' Z T. z$ K1 y" {, Q$ A) @' d# a
鄧小平當年講過，英國人做得到，中國人也能做到。事實證明，港英時代做得到嘅，特區政府往往做唔到。淨係講基建吖，港英時代推出玫瑰園計劃，坐言起行，港人到今日仍然享受緊成果；回歸後特區政府坐而論道，基建發展一拖再拖，高鐵係咁，其他大型基建又係咁，唔通真係「往事只能回味」？叮！ |
發表於 2014-4-18 01:21 PM
| 