香港之恥衫碌拎事故多多吊吊揈

高天滾滾寒流急，唔上唔落眼濕濕。「飛一般纜車體驗」變成非一般懸空噩夢，大年初三，昂坪360又衰一鑊，八百遊客半天吊捱凍兩粒鐘，新年流流大出醜，香港乜架都丟清光咯！公仔箱論壇- k4 b, |' k0 Z) S, @9 M0 P6 M

最丟架嘅可能係跛腳鴨政府，商務及經濟發展局局長蘇錦樑尋日出嚟補鑊，又係「全面檢討」、「優化溝通」、「改善機件」三幅被。最離譜就係，佢呢頭話「情況不可接受」，嗰頭又話事件唔會影響香港形象喎，簡直九唔搭八。

八百遊客喺接近零度嘅「冰廂」被困兩粒鐘，落番嚟連杯熱茶都冇，咁都話唔會影響香港形象？仲有吖，纜車停駛十日，但該公司處理欠妥，溝通不足，事發翌日仲有大批遊客去到東涌至知冇纜車搭，乘興而來，敗興而返，簡直係醜上加醜喇。呢啲喺落後地方都難得一見嘅亂象，居然出現喺自稱國際都會嘅香港，你話係咪香港之恥吖！

好彩今次冇凍死人咋，如果搞出人命咯喎，呢隻鑊都唔知邊個孭得起。蘇錦樑身為問責高官，發生咁大件事居然仲輕描淡寫，回應不痛不癢，不知所謂。如果話纜車公司管理混亂罪無可恕，咁港府監管不力又該當何罪呀！os.tvboxnow.com3 f- ]7 y! j6 K' T

正所謂衰開有條路，纜車事故久唔久就爆一單，大家都見怪不怪咯。遠嘅唔講，淨係最近兩個月內已經先後有四單，乘客被困車廂吊吊揈由十幾分鐘到兩粒鐘不等。正如有人話齋，纜車出事唔係新聞，唔爆醜聞至係新聞，講得一啲都冇錯。. Q8 V: }- O7 N
# e: p6 [! `, B; h3 \9 `
講起真係搞笑，纜車公司對危機處理敏感度不足，但纜車系統對天氣就敏感到加零一，風大唔行得，潮濕唔行得，寒冷又出事，直頭係名副其實嘅豆腐渣工程。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。. N$ E3 n9 K* [
) e$ m6 D) f' \' B; Q
嗱，功夫茶唔係亂噏，昂坪纜車先天不足，後天失調，落成至今事故不斷，都唔知究竟係設計失當，定係驗收求其。可能當局一味崇洋，以為舶來品靠得住啩，結果咪中招咯。

家陣米已成炊冇得返轉頭，唯一可以做嘅就係盡量補救。可惜吖，作為纜車營運商港鐵最大股東嘅港府，每次事故之後淨係識得小修小補，然後就關人個關。就算當年因為墮車事故而撤換管理公司，又係換湯不換藥，結果情況唔止冇改善，仲變本加厲添，問你服未。

講到底，最大問題就係港府監管不力。昂坪纜車事故多多，管理落後，當局多次錯過執正嘅機會，問題積重難返，十足十「末期病人」。計功夫茶話齋，修修補補無濟於事，除非來一次大修，搵出事故頻生嘅根本原因，然後對症落藥，如果繼續帶病運行，遲早車毀人亡嘅咋！

收藏分享評分

加入【無】寵物家族
開開心心過每一天
有族長奬勵,同族友幫助

回復引用

訂閱 TOP

4557