郭炳江現身攝影展拒談「分家」

新地家族內鬥近日亮曙光，老大郭炳湘日前向傳媒透露，表示喺收取若干「和解費」後，會正式撤出新地業務，意味郭氏家族正式「分家」。消息一出，震驚名人圈，不過二弟郭炳江尋日現身，卻隻字不提，莫非想為呢場「宮廷內鬥」降溫？

捧老友簡永楨場熱愛神秘瑪雅文化嘅新地副主席兼董事總經理郭炳江，尋日現身中環ifc，為香港歷史博物館諮詢委員會委員及旅行家簡永楨嘅「瑪雅謎團攝影展」撐場。原來郭炳江同簡永楨兩人相識十幾年，郭生見老友早前遊墨西哥東南部嘅猶加敦半島，拍下唔少珍貴相片，一於公諸同好。尋日共展出四十幅作品，有興趣嘅朋友，可以去ifc欣賞吓瑪雅遺址今日嘅面貌。5 [9 I3 a8 B! ]3 r
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。5 d1 S/ v2 Y2 X" |) L2 ^0 N
齋聽猶加敦半島呢個名已充滿神秘感，郭生都流露嚮往神情，話好有興趣遊歷吓。但望梅始終難止渴，大會尋日以墨西哥薄餅招呼嘉賓，又奉上墨西哥龍舌蘭酒，畀台上貴賓敬酒。不過呢隻酒屬烈酒級數，郭生淺嘗一啖，登時雙眼一亮，露出一副醒神晒嘅表情，唔敢再飲第二啖。
飲咗酒，唔代表郭生嘅防線會降低，記者問佢點睇大哥郭炳湘聲稱與家族和解在望，郭炳江相當清醒，一於封口唔講。

收藏分享評分

回復引用

訂閱 TOP

鮮奶球