公仔箱論壇 - Powered by Discuz! Board

標題: Stepwgn大變臉　 1.4米藍天旅程 [打印本頁]

作者: nt1972 時間: 2010-1-2 05:54 AM 標題: Stepwgn大變臉　 1.4米藍天旅程

踏入 2010年，首部新車已經搶閘出場，作為今年頭炮新車，本田今次簡直將Stepwgn來個大革新，外形更顯硬朗外，車頂一個超闊大天幕簡直令人驚嘆，置身其中，見到一片片白雲在你頭頂擦過，口中只會不期然哼出海闊天空的音樂，讓你以豁然開朗的心情，迎接新一年的到來。

MPV最大天幕

司機位

由第一代至今， Stepwgn已超過十年歷史，要改款，自然唔係改車頭燈，加大個車廂咁簡單，不過老實講，真係諗都無諗到可以改成咁。一個1.4米長嘅天幕已經嚇窒你，據講呢個天幕係全球MPV中最大，由車頭一直延伸至第二排座位尾，差不多將整個車頂改為天幕，加埋兩邊超闊大嘅車窗，整個車廂猶如無遮無擋，極為開揚。作為多用途車，一個寬敞的內櫳亦自然唔少得，第三排座椅摺叠後，可以完全收藏於地台下，騰出大量空間。當然，除咗外觀同內櫳嘅實用性，性能也是車主最關心的問題。Stepwgn採用新一代 2.0 i-VTEC引擎，加上 CVT無段變速自動波箱，令到耗油量大大減低，而且只能輸出 150匹馬力，較上代減少5匹，但扭力卻提升至 19.7kgm，較上代增加 0.5kgm。試想一下，新款 Stepwgn引擎容量由 2.4改為2.0，馬力些微的減少，絕對可以理解。

拉平後的後座■ 1.4米大天窗，讓前後座乘客都享受到非一般的開揚感。

■硬朗的設計，有點鐵甲威龍 Feel。

■只要輕輕一拉，第三排座位即隱藏收納。

綠色提示慳油

■中控錶板鋪排整齊歸一，開車都特別醒神。

在全球講求環保嘅年代，車輛嘅環保概念自然是必備條件，只要一按 EconMode，電腦便會進入節能模式，將波箱、空調甚至引擎等系統，維持最低耗油表現，例如空調溫度會稍作提高，務求達至慳油狀況。另外，行車時，儀錶板亦有漸變耗油顯示，由白色至綠色，行駛狀況越係慳油，顯示器嘅綠色便更深，讓司機時刻保持警惕。至於中控台及儀錶板仍貫徹本田一向簡潔風格，佈局清晰，任何人操控都可輕易上手。雖然新款 Stepwgn較上一款車身重 60kg，但對操控似乎未帶來太大影響，當然轉彎時有些飄，車身較高嘅MPV在所難免，但整體運作仍算得心應手，尤其是Stepwgn很多細微之處嘅設計確實令人驚喜。左前車頭輔助鏡，就連一向被人忽略的盲點位亦照顧周到。另外車頭的V形泊車鏡頭，車頭左右位置都清楚在屏幕顯示，以後再無藉口睇唔到位弄花車頭泵把。

■左前車頭輔助鏡，少許盲點都照顧周到。

■一按綠色的 Econ Mode，即時進入慳油模式。

■儀錶板中央的綠葉，顯示正啟用 Econ Mode。

規格
引擎： 1,997cc i- VTEC
馬力： 150ps/6,200rpm
扭力： 19.7kg/4,200rpm
傳動： CVT無段變速自動波箱
售價：$276,880-$289,880

■ Stepwgn行車時，
保留其穩陣風格。

歡迎光臨公仔箱論壇 (http://os.tvboxnow.com/)