公仔箱論壇 - Powered by Discuz! Board

標題: 美景變陷阱　悲劇不可再 [打印本頁]

作者: katspi 時間: 2009-11-22 11:40 AM 標題: 美景變陷阱　悲劇不可再

tvb now,tvbnow,bttvb4 ^. _: o! S7 K
香港首個國家級地質公園月初啱啱開張，點知前日就發生巨石奪命悲劇，一位磯釣發燒友喺火石洲岸邊垂釣時，畀塊懷疑抵受唔住強風而由峭崖碌落嚟嘅大石擊中頭部，墮海身亡。

磯釣樂極生悲，大好家庭頓失支柱，實在令人心酸。無獨有偶，意外現場係地質公園著名嘅海岸岩景所在地，今年九月初已經發生過類似悲劇，一名市民喺岸邊岩石上釣魚，疑因跣腳墮海死亡。os.tvboxnow.com8 L1 K: j7 I6 [6 J6 O1 M, B
同一地點喺短短兩個半月內發生兩單奪命意外，無論「元兇」係危石定巨浪，都證明現場存在安全隱患，當局再唔正視，日後遊客愈來愈多，意外可能陸續有來。
事發地點獲國土資源部評為國家級地質公園，港府話，綠色旅遊將成為本港旅遊業未來嘅發展路向，打算最快明年向聯合國申請將香港地質公園「升呢」做世界地質公園，仲話會同內地、日本等地四個地質公園結成「姊妹聯盟」，吸引更多外國遊客添。os.tvboxnow.com1 R/ `8 _0 C; b' v' }
當局銳意打造景點，推廣地質公園遊，市民當然唔會反對，仲會積極參與添。之但係，淨得「宏圖大計」，配套措施尤其係安全設施跟唔上，到頭嚟咪又係搞到一鑊泡。正如有立法會議員話齋，岩石殺人事件摑咗港府一巴，反映當局輕視地質公園陡峭石群潛藏殺機，遊客猶如「搵命博」。
奇岩怪石雖然係地質公園嘅最大賣點，但亦係主要安全隱患之一。如果當局喺推廣地質公園遊之前進行仔細勘查，對危石進行加固工程，並清楚列出遊客勿近嘅危險區域，咁嘅悲劇就可以避免，遊客一定玩得更加放心，更加開心。os.tvboxnow.com1 E2 p- z: K! [+ M, H' c# D
講開又講，香港四面環海，山清水秀，搞綠色旅遊得天獨厚，甚至可以話水到渠成添，最大問題係政府識唔識做，點樣去做。如果相關配套措施做唔足，點吹水都冇用。3 _+ O/ h* v6 w) P8 E
港府早排向本地同外地遊客推廣遠足旅遊，仲有唔少日本同台灣等地遊客專程嚟捧場添。但係，原來本港好多熱門行山地點都係手機通訊盲點，有啲地方甚至連九九九都打唔出，其中有段屬四星級難行路段，盲點居然有四公里咁長，如果行山客有乜冬瓜豆腐，叫天不應，叫地不聞，綠色旅遊咪隨時會變成「綠色歷險記」？os.tvboxnow.com) p- E) q* {% {: K
就算唔去啲山旮旯地方，一家大細去郊外踩吓單車，單車徑一樣有好多安全隱患。依家嘅單車徑因為規劃不當，政府又遲遲唔改善，搞到呢度一截，嗰度一截。本報尋日至踢爆，貫穿馬鞍山海旁屋苑海濱長廊嘅單車徑，地區人士爭取咗足足八年，政府至喺旁邊增設行人路，但依家仲有一點四公里行人路未搞掂，繁忙時間人車爭路，險象環生，居民忍無可忍，搞到要上街遊行抗議。
始終都係嗰句，悲劇不可一，不可再。發展綠色旅遊係好事，但人命關天，如果港府淨係得把口，唔搞好配套設施，唔消除安全隱患，天然美景只會變做天然陷阱。
- e3 m2 k1 v$ y

歡迎光臨公仔箱論壇 (http://os.tvboxnow.com/)