Board logo

標題: 價細歐潮襲港 Opel Corsa 1.4 & Ford Fiesta 1.4 [打印本頁]
作者: nt1972    時間: 2009-5-22 02:06 PM     標題: 價細歐潮襲港 Opel Corsa 1.4 & Ford Fiesta 1.4



阿 媽 個 年 代 ， 買 車 首 選 歐 洲 車 ， 事 關 牌 頭 響 、 夠 硬 淨 ， 就 算 車 價 貴 ， 有 乜大 吉 利 是 炒 起 上 嚟 都 穩 陣 啲 ； 阿 仔 個 年 代 ， 日 本 車 賣 通 街 ， 皆 因 設 計 簡 單 、 襟 用 、車 價 平 兼 多 嘢 改 。

不 過 ， 今 時 今 日 ， 雷 諾 已 入 股 日 產 ， 福 特 又 有 萬 事 得 股 權 ， 歐 日 車 廠 技 術 crossover ， 歐 洲 車 同 日 本 車 的 根 本 性 分 別 已 經 唔 大 。

最重 要 係 今 日 兩 部 歐 洲 細 車 王 Ford Fiesta 同 Opel Corsa 到 港 ， 同 樣 以 低 於 15 萬 開售 ， 比 漲 價 超 過 16 萬 的 日 本 車 仔 王 Honda Jazz 更 加 平 ！ 各 界 車 迷 係 時 候 放 低 國 籍歧 視 ， 考 慮 吓 車 壇 之 大 的 其 他 優 質 選 擇 。


左 ： Opel Corsa 1.4 Spec.
引 擎 ： 1,364c.c. 直 四
馬 力 ： 90ps/5,600rpm
扭 力 ： 12.8kgm/4,000rpm
驅 動 ： 前 置 引 擎 、 前 輪 驅 動
傳 動 ： 4 前 速 自 動 波
車 重 ： 1,140kg
耗 油 量 ： 6.5L/100km
售 價 ： $143,800

右 ： Ford Fiesta 1.4 Spec.
引 擎 ： 1,388c.c. 直 四
馬 力 ： 96ps/5,750rpm
扭 力 ： 12.8kgm/4,200rpm
驅 動 ： 前 置 引 擎 、 前 輪 驅 動
傳 動 ： 4 前 速 半 自 動 波
車 重 ： 1,101kg
耗 油 量 ： 6.5L/100km
售 價 ： $149,000 （ 預 售 價 ）

香 港 細 車 市 場 一 直 係 㗎 仔 天 下 ， 多 年 來 憑 着 夠 hit 、 慳 油 、 價 細 這 條 無 敵 formula贏 盡 本 地 車 迷 歡 心 ， 不 過 今 日 新 款 歐 洲 車 仔 一 樣 做 得 到 ！ 講 hit ， Ford Fiesta 喺英 國 推 出 9 個 月 即 大 賣 25 萬 車 ， 連 續 5 個 月 英 國 單 一 銷 量 榜 冠 軍 ， 更 贏 埋 英 國 權威 汽 車 雜 誌 《 What Car ？ 》 Car of the Year 2009 ； Opel Corsa 06 年 喺 歐 洲 推出 亦 係 《 What Car ？ 》 Car of the Year 2007 得 主 ， 直 到 08 年 仍 然 係 歐 洲 top5 best-selling car 。 講 慳 油 ， 2 部 車 的 耗 油 量 同 樣 達 6.5L/100km ， 以 現 時$13.24/L 油 價 計 ， 油 費 都 係 約 $0.86/km ， 比 起 出 名 慳 家 的 Jazz 貴 不 到 $0.1/km。 講 價 細 ， 日 本 3 大 熱 買 車 仔 Honda Jazz 賣 過 16 萬 、 Toyota Yaris 賣 14 萬 5 ，唯 一 稱 得 上 抵 玩 只 有 賣 13 萬 多 啲 的 Mazda2 ， 所 以 賣 14 萬 9 的 Fiesta 同 賣 14 萬3 的 Corsa 以 歐 洲 車 身 份 襲 港 ， 絕 對 夠 吸 引 力 同 日 本 車 仔 一 拼 ！ 但 究 竟 2 部 歐 洲 車同 揸 開 的 日 本 車 又 有 乜 分 別 ？ 就 等 飲 㗎 仔 車 奶 大 的 筆 者 同 你 試 真 佢 ！

平 價 歐 洲 入 門 選
日 圓 匯 率 高 ， 相 反 歐 羅 就 持 續 低 水 ， 計 番 入 貨 價 ， 今 時 今 日 歐 洲 車 已 經 唔 一 定 貴 過日 本 車 ， 除 咗 今 次 全 新 到 港 的 Ford Fiesta 和 Opel Corsa 之 外 ， 車 價 更 平 、 劈 價更 狠 的 還 有 右 邊 幾 部 。



單 門 好 飛 Citroen C2 1.4 VTR
法 國 代 表 Citroen C2 1.4 VTR ， 賣 12 萬 9 仲 平 過 Toyota Yaris ， 車 仔 細 細 用 75匹 1.4 公 升 引 擎 ， 好 玩 在 有 套 手 波 底 5 前 速 Senso Drive 波 箱 ， 可 以 扮 揸 F1 玩 軚盤 後 轉 波 片 轉 波 。

引 擎 ： 1,360c.c. 直 四
馬 力 ： 75ps/5,400rpm
售 價 ： $129,060



實 用 穩 陣 Volkswagen Polo 1.4
褔 士 Polo 歐 洲 勁 hit ， hit 在 空 間 夠 實 用 ， 引 擎 慳 油 力 度 啱 啱 好 ， facelift 後 改配 6 前 速 +/- 波 箱 更 好 玩 ， 車 價 12 萬 5 夠 吸 引 ， 不 過 要 留 意 年 內 新 款 即 將 到 港 。

引 擎 ： 1,390c.c. 直 四
馬 力 ： 80ps/5,000rpm
售 價 ： $125,000



得 意 迷 你 Peugeot 107
擺 明 sell 得 意 多 過 功 能 的 Peugeot 107 ， 車 仔 的 的 骰 骰 面 帶 笑 容 ， 內 籠 掣 鈕 似 足玩 具 ， 買 佢 純 為 玩 樣 扮 cutie ， 由 於 車 身 夠 輕 （ 835kg ） ， 68 匹 馬 力 依 然 幾 好 行。

引 擎 ： 998c.c. 直 三
馬 力 ： 68ps/6,000rpm
售 價 ： $128,000



大 碼 巨 籠 Fiat Grande Punto
車 身 、 內 籠 比 Jazz 更 大 ， 空 間 感 十 足 的 Grand Punto ， 車 身 由 意 大 利 名 設 計 室Italdesign Giugiaro 設 計 ， Dualogic 5 前 速 半 自 動 波 箱 配 77 匹 偈 ， 勝 在 夠 晒 好用 。

引 擎 ： 1,368c.c. 直 三
馬 力 ： 77ps/6,000rpm
售 價 ： $161,325



車 身 design 夠 精
近 年 歐 洲 車 設 計 已 經 同 日 本 車 大 同 小 異 ， 唔 會 好 似 十 幾 年 前 咁 令 睇 慣 日 本 車 的 車 迷難 接 受 。 而 且 歐 洲 車 design 特 別 注 重 細 微 細 眼 位 ， 雖 然 新 Fiesta 車 形 同 Mazda2差 唔 多 ， 但 鐮 刀 形 頭 燈 、 泵 把 入 風 口 同 車 身 骨 位 都 明 顯 比 日 本 車 仔 有 心 思 ， 就 算 車仔 細 細 全 長 得 嗰 3,950mm （ 比 Jazz 長 30mm ） ， 但 肌 肉 感 一 樣 強 ， 畀 到 人 精 悍 感 覺； 而 Opel Corsa 雖 然 並 非 頂 級 爆 肌 OPC 版 ， 但 加 1 萬 裝 咗 套 OPC 包 圍 一 樣 夠 晒 跑味 。 最 起 碼 2 部 車 停 喺 Jazz 同 Mazda2 側 邊 絕 對 唔 輸 蝕 ， 而 且 感 覺 上 肯 定 貴 過 日 本車 仔 ， 個 人 風 格 亦 更 出 。

講裝 嵌 手 工 ， 只 要 細 心 留 意 控 台 夾 位 同 軚 盤 底 裝 嵌 位 呢 啲 小 處 ， 一 睇 就 知 Fiesta 同Corsa 明 顯 比 日 本 車 好 ， 內 籠 塑 料 更 滑 ， 比 膠 感 勁 重 的 Jazz 控 台 用 料 最 少 靚 20%。 細 緻 如 門 板 修 邊 位 ， 閂 門 時 聽 聲 已 經 分 得 出 紮 實 度 勁 過 Yaris 10% 以 上 。 包 裝 手法 上 ， Fiesta 有 一 個 名 為 Cyber Design Central Intrusment Panel 、 似 足 手 提電 話 keypad 的 尖 嘴 位 面 板 ； Corsa 就 大 玩 racing two-tone 紅 黑 內 籠 ， 雖 然 同 是入 門 ， 但 內 籠 就 包 裝 到 好 似 跑 車 咁 ， 絕 唔 會 好 似 日 本 車 仔 咁 普 通 ， 唯 一 弱 點 係 只 得3 門 版 ， 後 座 上 落 唔 方 便 。





Fiesta
上 車 後 摸 摸 膠 件 位 ， 順 滑 度 最 少 比 揸 開 的 日 本 車 仔 高 20% 以 上 ， 扇 形 中 控 台 有 design 得 嚟 又 易 用 。




Corsa
包 裝 有 型 的 Corsa 雙 色 內 籠 ， 除 紅 黑 之 外 ， 還 有 灰 藍 色 選 擇 ， 而 且 中 控 台 加 上 閃 令 令 鋼 琴 面 裝 飾 ， 車 仔 之 中 冇 一 部 夠 佢 高 級 。


後 座 空 間 充 足 ， 坐 3 個 人 都 未 算 窄 ， 亦 闊 過 Yaris 約 15% 。


絲 絨 座 椅 質 料 順 滑 ， 舒 適 度 十 足 ， 但 掟 彎 時 個 人 容 易 跣 來 跣 去 。

Fiesta

講 承 托 力 Corsa 一 對 前 座 椅 比 Festia 高 ， 而 且 設 計 更 跑 車 化 。


礙 於 是 單 門 版 關 係 ， Corsa 後 坐 乘 客 上 落 會 較 麻 煩 ， 空 間 亦 比 Fiesta 細 少 少 。

Corsa
Fiesta 　 96 匹 Duratec 直 四 引 擎 ， keep 住 行 100km/h 4 波 都 要 挨 住 3 千 轉 。


Corsa 　 1.4 公 升 直 四 Ecotec 引 擎 ， 90 匹 力 度 不 足 ， 但 考 慮 到 6.5L/100km 耗 油 量 ， 可 以 接 受 。


Fiesta 　 雖 然 同 是 4 前 速 自 動 波 ， 但 Fiesta 就 設 加 減 波 功 能 ， 反 應 亦 達 合 理 水 平 。


Corsa 只 設 4 前 速 自 動 波 箱 ， 行 車 質 感 不 及 現 時 已 轉 用 5 速 波 箱 的 新 Jazz 高 。

歐 洲 靚 彎 王
歐 洲 車 出 名 車 架 堅 ， 今 次 兩 部 歐 洲 車 同 獲 歐 洲 NCAP 5 星 最 高 撞 擊 測 試 評 價 ， 自 然有 助 操 控 ， 傳 統 以 來 歐 洲 hatchback 的 好 彎 特 性 亦 一 樣 保 留 。 灣 仔 攞 Fiesta 後 先飛 一 段 東 區 走 廊 、 再 飛 觀 塘 繞 道 ， keep 住 120km/h 扭 軚 掟 彎 ， 穩 定 感 似 足 行 緊100km/h ， 車 身 有 側 但 夠 定 ， 安 定 性 強 ， 同 級 日 本 車 相 信 只 有 Mazda2 做 到 ， 其 他如 Yaris 或 Colt 仔 ， 你 絕 對 唔 會 敢 亂 嚟 。 至 於 Corsa 車 身 傾 側 明 顯 比 Fiesta 多 啲， 避 震 機 行 程 亦 較 長 ， 但 之 前 喺 清 水 灣 道 一 帶 試 車 ， 稍 為 over speed 衝 落 大 清 停車 場 前 隻 S 彎 ， 唔 推 頭 亦 唔 甩 尾 ， 一 樣 可 以 側 住 出 彎 ， 試 過 以 差 唔 多 速 度 揸 Jazz衝 入 同 一 個 彎 ， 已 經 推 頭 要 收 油 ， 講 好 掟 歐 洲 細 車 仔 的 確 有 佢 有 一 套 。



難 整 歐 洲 車
香 港 車 友 傳 統 上 覺 得 歐 洲 車 易 壞 難 整 ， 究 竟 今 時 今 日 仲 係 咪 咁 ？ 《 搵 車 快 線 》 就 問 過 本 地 專 門 維 修 改 裝 歐 洲 車 的 TW Autosport 老 闆 Tony 。

「其 實 易 唔 易 買 零 件 維 修 同 牌 子 冇 乜 關 係 ， 主 要 睇 個 車 款 流 量 大 唔 大 ， 就 算 係 歐 洲 車， 寶 馬 、 平 治 同 日 本 車 一 樣 都 有 平 價 雜 廠 件 。 不 過 ， Ford 同 Opel 就 始 終 較 冷 門 ，普 通 零 件 鋪 好 難 搵 到 parts ， 多 數 要 同 代 理 買 ， 就 算 出 面 買 到 ， 價 錢 最 少 都 貴 日 本車 15% 以 上 ， 簡 單 至 1 個 風 隔 ， 日 本 車 可 能 賣 $80 ， Ford 就 要 約 $150 。 而 且 存 貨唔 多 ， 吓 吓 要 訂 貨 ， 一 訂 就 要 1 個 星 期 左 右 。 維 修 方 面 新 款 歐 洲 車 唔 會 特 別 難 搞 ，人 工 亦 同 日 本 車 差 唔 多 ， 但 新 款 車 電 子 嘢 多 ， 好 多 時 都 要 用 維 修 電 腦 ， 呢 樣 嘢 就 唔會 間 間 車 房 有 ， 要 識 得 去 專 科 車 房 先 搞 得 掂 。 」

弱 項 鬥 晒 馬
講 馬 力 ， Fiesta 得 96 匹 ； Corsa 得 90 匹 ， 話 佢 幾 好 力 都 呃 你 ， 直 路 根 本 冇 可 能鍊 贏 同 級 日 本 細 車 力 王 如 100 匹 的 Jazz 或 用 到 1.5 公 升 偈 的 103 匹 Mazda2 ， 鬥0-100km/h Fiesta 肯 定 會 被 快 放 半 個 車 位 ， 頭 段 較 弱 的 Corsa 更 會 慘 被 放 爆 1 個車 位 以 上 ！ 揸 Fiesta 或 Corsa 想 快 唯 一 可 以 做 就 係 死 踩 油 門 ， 鍊 到 中 段 4,000rpm打 後 先 有 機 追 得 番 上 去 。
爆完 大 直 路 ， 返 番 去 市 區 塞 吓 車 ， 其 實 Fiesta 同 Corsa 唔 會 畀 日 本 車 仔 失 禮 ， 一 般行 街 開 開 停 停 2 千 轉 已 夠 晒 行 ， 同 級 中 只 會 輸 畀 低 扭 超 晒 班 的 Jazz 仔 。



最 大 弱 點 ： 賣 車 預 咗 勁 蝕 ！
14 萬 車 價 就 可 以 買 部 歐 洲 細 車 過 吓 癮 ， 個 款 更 唔 會 一 街 都 係 ， 而 且 車 款 新 、 用 料靚 ， 絕 對 可 以 考 慮 試 吓 轉 玩 歐 洲 車 。 況 且 現 時 Corsa 有 5 年 原 廠 保 養 ； Fiesta 又有 3 年 6 萬 公 里 保 養 ， 新 車 買 玩 2 、 3 年 維 修 費 絕 唔 會 多 。 唯 一 要 考 慮 係 放 盤 時 承接 力 同 易 手 價 一 定 會 低 於 同 級 日 本 車 仔 ， 唔 計 易 手 價 超 實 淨 的 Jazz 仔 ， 就 以 同 是03 年 的 Fiesta 和 Mazda2 計 ， 當 年 新 車 價 分 別 係 13 萬 同 11 萬 ， 但 今 日 Fiesta 只值 3 萬 5 ； 反 而 Mazda2 仲 賣 到 5 萬 5 ， 比 日 本 車 跌 價 幅 度 最 少 高 15% ！
作者: cra2yshyan    時間: 2009-6-30 06:08 PM

thanks for sharing.....



歡迎光臨 公仔箱論壇 (http://os.tvboxnow.com/) Powered by Discuz! 7.0.0