公仔箱論壇 - Powered by Discuz! Board

標題: [香港] 涉違國安法被還押　范國威諗計驅曱甴 [打印本頁]

作者: donedone1234 時間: 2021-3-31 08:27 AM 標題: 涉違國安法被還押　范國威諗計驅曱甴

因參與35+民主派初選而涉違反《港區國安法》嘅新民主同盟范國威(Gary)，依家喺荔枝角收押所還押，有前議員今朝(30日)探完Gary後透露，對方已經適應在囚生活，仲話依家天氣開始變熱，曱甴亦開始活躍，所以Gary喺到研究緊方法驅趕曱甴喎。因違法佔領行動(佔中)案被判囚嘅前議員邵家臻喺Facebook貼文，引述Gary話自己嘅整潔習慣係由太太訓練出嚟，依家佢會清潔自己嘅單人倉，可惜每次清潔完無耐就要調倉。邵又話Gary已經適應在囚生活，早上、下午同一大班人一齊生活，同3、4個人放風，晚上先返單人倉，話總好過留喺30人共用3個廁所嘅大倉啊。

其實Gary本月中以還押期間無法履行議會職務為由，決定辭去西貢區議員一職，結束其長逾21年的區議員生涯，睇嚟佢都預咗要被囚禁一段時間，唔知呢段日子可唔可以用有限嘅資源，成功驅走曱甴呢？

歡迎光臨公仔箱論壇 (http://os.tvboxnow.com/)