公仔箱論壇 - Powered by Discuz! Board

標題: [香港] 梅媽怒轟房東拒租拒賠違約金 [打印本頁]

作者: qqonqq 時間: 2017-7-20 07:38 AM 標題: 梅媽怒轟房東拒租拒賠違約金

已故樂壇天后梅艷芳嘅媽媽覃美金（梅媽），原本想喺今年10 月 10 日（即梅姐54歲忌辰）成立梅艷芳國際紀念館。點知今日(19號) 有報道指業主喺已簽署臨時租約嘅情況下突然反口，亦唔賠償違約金，搞到梅媽大鬧業主「恃住自己係律師」，仲話要跟歌迷商討係唔係要採取法律行動。tvb now,tvbnow,bttvb' b. o( b! K* f9 d. Q
激到梅媽咁嬲嘅業主，其實係大家都認識嘅人，佢哋就係謝偉俊及白韻琹夫婦，梅媽諗住租用佢哋位於銅鑼灣嘅單位成立紀念館。

但係呢件事好奇怪，佢哋三位人當事人竟然有三個唔同版本。白韻琹指梅媽咁講唔公道，當日簽個份並非臨時租約，係經紀喺佢未訓醒時俾佢簽，地產代理誤導佢，搞到佢無睇清楚就簽咗張紙。
謝偉俊亦表示單位只可作住宅用途，佢話可能地產代理拿錯咗另一份文件俾白姐姐，亦有可能誤導佢令佢簽咗約。
由於雙方講法有出入，令成件事陷入羅生門。謝偉俊表示如果梅媽因為份臨時租約告佢地，佢地都唔介意打官司。

歡迎光臨公仔箱論壇 (http://os.tvboxnow.com/)