公仔箱論壇 - Powered by Discuz! Board

標題: [港澳台] 西九故宮早偷步官到有求膽自大 [打印本頁]

作者: serrurier 時間: 2017-1-8 12:39 PM 標題: 西九故宮早偷步官到有求膽自大

西九故宮早偷步 官到有求膽自大公仔箱論壇1 }5 U0 R, g0 N+ }* o, K  X
tvb now,tvbnow,bttvb5 w# v4 e: F5 }
特首選戰戰情七國咁亂，疑似候選人之一嘅政務司司長林鄭月娥口口聲聲「官到無求膽自大」，佢膽大妄為就梗嘅嘞，至於「無求」咯喎，三歲細路都唔信喇。6 p2 ?8 O, p  M3 o# W5 L3 M
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。! |# |6 f% p8 ]5 C3 `  C7 I
唔使講第樣，淨係講近日鬧到滿城風雨嘅西九故宮文化博物館就得。當初同京官密斟呢個大project返嚟，諗住可以繞過立法會同市民監察，靜雞雞揼馬會心口，話唔想中央尷尬喎，其實係自把自為，係人都睇得出佢想爭取「有為」表現博阿爺歡心兼入閘機會。可惜吖，機關算盡太聰明，反誤了「好打得」聲名，到頭來適得其反，被迫跪低，補辦公眾諮詢，家陣阿爺何止尷尬咁簡單，仲要硬食「霸王硬上弓」呢隻死貓，真係多得佢唔少。/ C# Q. v6 V. D, l; W7 `4 R* R

咁都未算離譜。之前林鄭喺立法會解畫，實牙實齒話港府喺委任故宮館設計顧問前，已經獲西九董事局批准，點知轉個頭就畀人踢爆原來係擘大眼講大話，當局向董事局簡報前四個月已經下咗聘書。喂，到底佢知唔知咩叫「程序公義」同埋「陽光作業」㗎！大型工程事前進行公眾諮詢同招標係常識，同樣係西九文化區項目，戲曲中心同埋M+博物館都係透過比賽選擇方案，而西九整體規劃，依家呢位顧問更加有份參與遴選，點解唯獨故宮館可以例外？

最過分嘅係，當局明明斷正仲要死撐，話故宮館應該由醉心中華文化嘅本地建築師操刀喎。由本地建築師操刀無可厚非，但堂堂香港，勝任嘅建築師點止一位咁少，仲話唔係黑箱作業、私相授受？一句講晒，有錯要認，打就企定，當局點解唔依正規矩做事，咁多人唔揀係都要搞「欽點」？當中有冇不可告人嘅秘密？只有當事人心知肚明。' A3 n2 }9 a+ h  u) w9 K

大家睇得一清二楚喇，有人未上台已經冇規冇矩打橫行，將來有機會坐正，實行隻手遮天，化身獨裁者都似。特首宣布放棄連任，好多人熱烈地彈琴熱烈地唱，以為香港從此有運行，其實可能係前門拒狼，後門進虎嘅咋。公仔箱論壇6 X3 N9 P5 |7 r
tvb now,tvbnow,bttvb% Y8 G" }1 \2 B
當然喇，政治一日都嫌長，有啲人係虎係貓，仲係言之尚早。故宮館事件鬧到沸沸揚揚，有人去法院申請司法覆核港府冇依足條例做公眾諮詢，有人向申訴專員公署投訴，有機會獲開快勞調查，怕且有排未收得科。tvb now,tvbnow,bttvb' w, I4 A  Z# \' u
: z; S% ~" A( Y7 }. L& m2 m" ]" Z
所以話啫，對於嗰啲有求膽自大嘅高官，始終都係《韓非子》呢幾句話最啱用︰「人有欲則計會亂，計會亂而有欲甚，有欲甚則邪心勝，邪心勝則事經絕，事經絕則禍難生。」有啲人孜孜以求，發夢都諗住上位，因住弄巧成拙，唔衰攞嚟衰吖！

歡迎光臨公仔箱論壇 (http://os.tvboxnow.com/)