公仔箱論壇 - Powered by Discuz! Board

標題: [港澳台] 垃圾港名不虛傳垃圾官快去堆填 [打印本頁]

作者: serrurier 時間: 2016-12-11 07:18 AM 標題: 垃圾港名不虛傳垃圾官快去堆填

本帖最後由 serrurier 於 2016-12-11 12:43 PM 編輯 + v; y% k/ A/ Y$ n' ?& n- q

垃圾港名不虛傳  垃圾官快去堆填

清潔香港運動推行幾十年，香港地愈來愈烏煙瘴氣，環境愈來愈惡劣，港產官僚食嘢唔做嘢，做嘢打爛嘢，連垃圾咁簡單嘅問題都搞唔掂，想唔話呢個政府冇靈魂、冇知覺都唔得喇。

第二度唔使講，只要睇吓本港海域垃圾堆積如山，就知班官有幾咁廢。尋日有團體自發到香港仔避風塘一帶撈垃圾，結果不足一小時就收集到二十大袋，發泡膠、膠袋、汽水罐同酒樽等，五花八門，無奇不有。團體話，香港仔水域一向係海洋垃圾污染嘅黑點，夏天高峰期因為雨量及風向關係，情況更加誇張，甚至試過撈到雪櫃、床墊及梳化等大型家居垃圾，問你怕未。公仔箱論壇. R* G1 [. ]5 y, `7 Y

咁都未算吖。之前有團體喺愉景灣附近沙灘拾獲醫療廢料，其中包括針筒、藥樽，更有疑似用作盛載人體血液嘅試管。最得人驚嘅係，部分藥袋有畀魚咬過嘅痕迹，呢啲醫療廢物一旦進入食物鏈，被人類食咗，後果不堪設想。tvb now,tvbnow,bttvb2 v4 W1 q8 q. O

即係咁，海洋充斥大量垃圾，部分市民罔顧公德，加上內地官僚監管非法垃圾傾倒不力，呢啲都係主要原因，但官老爺闊佬懶理，敷衍塞責，更加難辭其咎。除咗上述海洋污染黑點十年如一日，鶴咀淪為「垃圾灣」，市民鬧足二十年，情況冇改善不特止，反而不斷惡化，你話旨意班官做嘢，係咪蚊都瞓蛇都死吖。平時唔燒香都算嘞，最過分係連臨急抱佛腳都嫌費事，試過有漁民投訴海面垃圾仲多過魚，生計嚴重受損，點知食環署同海事處你旨意我我旨意你，將漁民當人球咁踢，就係冇一個部門願意上身。

冇計喇，港產官僚就係咁嘅嘞，三個和尚無水飲，多人管即係無人管，無論係取締僭建，店舖阻街抑或係樹木管理，有邊樣唔係互相卸責，互扯貓尾，有邊樣唔係搞到一鑊泡㗎！os.tvboxnow.com8 c5 `9 x% }4 q* {: i  r

有環保團體話，一味喺海上打撈垃圾始終唔係辦法，源頭減廢至係治本之道，佢哋無疑係苦口婆心，問題係環保講到尾都要靠兩條腿走路，淨係民間出力係唔夠嘅。大家有眼見，港府其身不正，帶頭做大嘥鬼，轄下食環署街市一日都唔知製造幾多廚餘，學人講源頭減廢，盞笑大人個口嘅咋！
tvb now,tvbnow,bttvb( I  r" ?9 L; r, X
唔係講笑㗎，早前CNN喺網上發放短片報道，以「垃圾港」形容香港嘅海港，呢啲咪好事不出門，醜事傳千里囉。之前有籠屋板間房，依家又有垃圾港，「另類景點」揚名海外，都係多得呢班垃圾官僚唔少！有人話「保護環境，由官做起」，真係一啲都冇講錯，淨係拎嗰班垃圾官僚去堆填，源頭減廢已經事半功倍喇！

歡迎光臨公仔箱論壇 (http://os.tvboxnow.com/)