公仔箱論壇 - Powered by Discuz! Board

標題: [港澳台] 印度客入境登記阻人蛇寧緊勿鬆 [打印本頁]

作者: serrurier 時間: 2016-11-8 06:15 AM 標題: 印度客入境登記阻人蛇寧緊勿鬆

本帖最後由 serrurier 於 2016-11-8 06:20 AM 編輯

印度客入境登記 阻人蛇寧緊勿鬆os.tvboxnow.com2 z' t8 j$ S/ q, T. @8 V

假難民問題尾大不掉，皆因港府假仁假義，姑息養奸。可能港府知衰啩，宣布最快明年初向印度旅客實施入境前登記制度，係就係遲咗幾拍，但點都好過翹埋雙手乜都唔做，家陣冇嘢怕，係怕港產官僚做嘢甩甩漏漏，唔湯唔水嘅啫！TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。- {7 e3 ^, n% U; }

係人都知，印度籍旅客目前享受免簽證來港待遇，本來係方便佢哋經商或旅遊，點不知被人蛇集團利用，部分人一落機即舉手申請免遣返聲請，賴喺香港唔走，仲有同鄉律師教路添，港府今次出招，正正係堵塞有關漏洞。根據新安排，印度護照持有人入境前必須通過網上系統登記提供個人資料、出入境及旅遊紀錄，以至在港行程等資料，否則唔能夠登機或登船來港，而本港當局亦會根據申請人提供嘅資料進行風險評估，篩走高危人士。

講真，港府對印度客實行冇簽證嘅變相簽證制度，唔係「歧視」，而係迫不得已。不可不知，印度係本港假難民嘅主要來源地之一，今年截至上月底，尚待審核聲請嘅一萬多宗申請中，好大部分都係來自印度，可見選擇印度客作為試點，並唔係無的放矢。0 O n" y( Z" B* o

非常時期用非常手段，絕對係應有之義。正如有人話齋，直接取消免簽待遇，可能影響來港公幹及觀光嘅正當旅客，打擊面未免過大，實行入境前登記制，無簽證之名而有簽證之實，不失為一個折衷辦法。再講吖，有啲人開口埋口「普世價值」，查實美國佬提防旅客仲勁過防火防盜，對申請簽證者審犯咁審，反觀香港淨係要求旅客登記資料，算好客氣嘅嘞。

當然喇，建立制度係一回事，執行又係另一回事。如果官老爺瞌眼瞓中門大開，係又批唔係又批，始終都係嘥氣。咪話唔提醒，今次新措施係嚟真定係得個樣，除咗印度，其他聲請高危國家一樣金睛火眼（目及）到實，唔該官老爺打醒十二分精神。
os.tvboxnow.com! i' B3 [* s% ]7 s9 F
當然喇，淨係入境登記遠遠不足以解決問題，事關滯港假難民當中，超過一半係偷渡來港，呢方面，一定要靠當局持之以恒加強打擊，以及加強情報交流工作。講到呢度，功夫茶就唔係咁樂觀嘞。網絡流行語都講喇，唔怕神一樣嘅對手，就怕豬一樣嘅隊友，睇勻咁多衙門，除咗入境處喺打擊假難民方面做咗唔少工作，表現值得肯定之外，其他都係食塞米居多。警方執法求其甚至暗中包庇，以致南亞犯罪集團橫行；司法對假難民慈悲為懷，更加同變相鼓勵假難民來港搵食冇乜分別。

計功夫茶話齋，北大人「消獨」絕不含糊，絕不手軟，只要港府阻遏假難民有一半決心，咩問題都解決晒喇！

歡迎光臨公仔箱論壇 (http://os.tvboxnow.com/)