公仔箱論壇 - Powered by Discuz! Board

標題: 冇現身替六駒試閘！潘頓神秘失蹤真相大白 [打印本頁]

作者: 02754566 時間: 2016-4-26 07:02 PM 標題: 冇現身替六駒試閘！潘頓神秘失蹤真相大白

本港前冠軍騎師潘頓，這天原本卜了為六匹馬試閘，不過全朝唔見人，完全冇操馬，該六駒全部易配其他騎師試閘。究竟潘頓瞓過籠唔知醒，定係其他原因呢？原來潘頓胃部不適，所以留在屋企休息及去睇醫生，冇去晨操。
其中第八組1050米泥閘，原定由潘頓出試、蘇偉賢馬房的最高分馬「發盈喜」，換上新騎師寶遜出試，結果快閘搶放末段仍勁，一放而回大勝「川河猛駒」三身位，季軍是「情意相投」。而同組「心中有善」閘內情緒緊張起擒，史卓豐無離開閘廂，「心中有善」則空馬在閘底躍出狂奔，及後被捉回，人馬均無礙。
回說潘頓，據知情況不嚴重，亦已獲得醫生證明，周三晚(27日)谷草賽事可如期上陣，全晚他策騎六駒，當中不乏機會分子，如「實力飛駒」，「活力小駒」等。

歡迎光臨公仔箱論壇 (http://os.tvboxnow.com/)