公仔箱論壇 - Powered by Discuz! Board

標題: [港澳台] 千萬富翁年年增最怕社會兩極化 [打印本頁]

作者: serrurier 時間: 2016-3-24 06:44 AM 標題: 千萬富翁年年增最怕社會兩極化

千萬富翁年年增 最怕社會兩極化公仔箱論壇' \) y% L; s. r9 D1 \

過去香港被形容為遍地黃金，今時今日可能唔係咁多人認同，其實香港仍然係遍地黃金，只不過有人歡喜有人愁啫。調查顯示，去年本港每一百二十四人之中就有一個千萬富翁，都咪話唔巴閉。+ C, ?2 ]6 U/ F8 a- Y+ z2 v5 N6 n

係咁嘅，花旗銀行調查發現，去年全港有逾七十六萬名百萬富翁，較前年大增百分之九點六，當中近六萬人更屬於千萬富翁，較前年增加百分之五，最年輕嘅千萬富翁只有三十多歲咋。至於致富之道，不外乎買「磚頭」同股票，大部分千萬富翁都有樓揸手，而且有投資習慣。公仔箱論壇4 x7 c" `" o, ?6 E
os.tvboxnow.com4 B' w) h: W# r v* I2 Z7 G+ k
講到呢度，大家可能覺得呢啲富翁生活無憂，一定好快樂，其實啱啱相反。感到非常快樂嘅千萬富翁只有一成七，比前年嘅三成四大減一半，子女教育問題及投資前景轉差係唔開心嘅主因，當中更有一成四人計劃移民添。你話嘞，連千萬富翁都活得唔開心，基層市民又情何以堪！. q2 U: j' Y' n5 _# p

其實，呢個結果一啲都唔出奇。表面上，本港千萬富翁不斷增加，好似遍地黃金，實際上，社會不斷沉淪，前景一片灰暗，都幾難令人快樂。唔係亂噏（口架），繼穆迪將香港評級展望降至負面後，渣打銀行亦大幅調低香港今明兩年嘅經濟增長預測，而信用卡機構調查更顯示本港消費者對經濟前景嘅信心跌至悲觀程度添。

講到底，有錢固然唔一定快樂，而無錢就肯定唔快樂，香港社會問題千頭萬緒，深層次矛盾日益惡化，尤其係貧富懸殊不斷加劇，更導致社會嚴重分化。雖然富豪一年比一年多，但窮人一樣無減少，港府聲稱全港貧窮人口跌至九十六萬新低，其實只係掩眼法，如果唔計派糖紓困嘅短期效果，貧窮人口隨時不減反增。分配不均，貧富懸殊，等於為社會埋下計時炸彈，加上港府政策長期向大財團傾斜，基層積累嘅怨氣一旦爆發，後果不堪設想。tvb now,tvbnow,bttvb* [; n; ^, Y* S

當然，香港問題多多，又點止貧富懸殊咁簡單吖。正如有富翁話齋，香港教育制度令人失去信心，加上社會福利唔完善，喺香港愈住愈唔開心。咁又係吖，本港教育同福利制度千瘡百孔，連有錢人都頂唔順，草根階層嘅處境更加可想而知，淨係最近嘅TSA及全民退保爭議咋，已經可以睇到港府幾咁無能，官僚幾咁涼薄。. J+ r2 G: d# j! D

最令人無法忍受嘅係，社會愈來愈政治化，乜嘢問題都被政客上綱上線，搞到家嘈屋閉，永無寧日，香港想有運行都幾難。所以話，一個地方嘅興衰係有迹可尋嘅，港府無能，政客無良，市民無奈，連富豪都要用腳投票，證明有錢唔止買唔到快樂，亦改變唔到香港沉淪嘅命運！

歡迎光臨公仔箱論壇 (http://os.tvboxnow.com/)