公仔箱論壇 - Powered by Discuz! Board

標題: [時事討論] 左丁山 - 去中去殖 [打印本頁]

作者: kidhitomi 時間: 2015-10-1 09:00 AM 標題: 左丁山 - 去中去殖

去中去殖
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。3 J! N; x$ a! |! K
公仔箱論壇! j/ D, V/ \2 C, w" o& P5 |
在馬場遇到M女士，見佢行路要用拐杖，與平時健步如飛嘅姿態，大大不同，問佢為何如此，佢話前星期在威靈頓街踩空梯級，跌在地上，傷了腳踭，唯有嘆一聲倒霉。威靈頓街乃是穿高跟鞋女士之陷阱，由德己立街行上擺花街係上斜，每行幾步就有樓梯級，過咗擺花街行落閣麟街就係落斜，大把梯級等住你，如男士女士，不論年紀，一路行一路睇手機的話，隨時會仆親。
唔係陶傑講起，自己平時都唔覺，昔日港英街道取名，確有一套，例如威靈頓街一帶附近之士丹利街，荷李活道，士丹頓街，伊利近街，閣麟街，亞畢諾道，雲咸街，德己立街，皇后大道中，德輔道中，干諾道中等等，都係英國名字，如果要去殖化，另改名字，都幾麻煩，香港無人民路，解放路，中山路，確係唔似中國城市嘅。os.tvboxnow.com5 x! T! l9 L# U: r
追月之夜，遇到一班年輕人，其中一位係今年考入政府做官嘅（專業職級），佢問左丁山：「點解一啲老人家到咗天安門睇閱兵，會淚流滿面？」左丁山答：「最簡單咁講，阿爺統戰成功。」點知呢位年輕官員再問：「乜嘢叫做統戰呀？唔識噃。」哦，統戰都唔識，再講落去1950至1970年嘅香港難民故事，佢一啲都唔知，佢嘅「去中化」實在幾徹底，特區政府之最年輕官員唔識中華人民共和國之革命史實，只識在蘭桂坊、蘇豪區夜蒲，講英文，食西餐，確令向中央交心之最高領導頭痛不已，領導人或會下令教育局加強歷史教育都唔定。唉，推動廢除中國歷史科嘅，咪係羅范椒芬囉，解鈴還須繫鈴人，搵番羅范出嚟管教育再改革就啱嘞。
呢位年輕官員係讀文學院畢業嘅，對當代中國史及1970年之前香港認識之淺，令人吃驚，但為人醒目到極，做事有拼勁，英文好，肯捱，考到政府官職係有理由嘅，但他日升上去做高官，好明顯缺乏歷史感與歷史修養，唔知公務員事務局有無訓練課程俾佢哋呢一輩年輕官員修讀，或者只係送佢哋到北大清華接受強世功嗰套中共歷史觀洗腦呢？唔好話「洗腦」講得過份咗，以左丁山所見所聞，香港有不少精英，特別係番書仔回流精英，對香港及中國歷史認知貧乏，受統戰上京，見到文物之精美，現代解放軍之軍器精良，操兵聲威蓋世，就好容易心情激動，見到升旗奏國歌就流下眼淚，讓陶傑一輩看在眼裏笑在心裏！此類精英梗係比較容易「受洗」啦。

左丁山TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。0 F+ J9 R( i7 P3 {( e; H7 ~% W
電郵 :[email protected]

歡迎光臨公仔箱論壇 (http://os.tvboxnow.com/)