公仔箱論壇 - Powered by Discuz! Board

標題: [香港] 印傭Gel甲被屈$1200　網民聲討美甲黑店 [打印本頁]

作者: nt1972 時間: 2015-8-27 04:42 AM 標題: 印傭Gel甲被屈$1200　網民聲討美甲黑店

7 C1 |/ O0 w5 I9 X

有印傭僱主昨日於facebook指，家中印傭姐姐被旺角花園街某美甲店欺騙，原本索價300多元的gel甲，但最終埋單實收1,200元。該僱主言辭激動，斥責美甲店營商手法不良，「有咩理由連工人姐姐都呃，佢哋一個月先賺4千幾蚊」。

發貼僱主黎小姐向傳媒表示，她的印傭姐姐7月回鄉度新年，「佢幾年先返一次，梗係想靚啲返去，所以去整咗gel甲」，印傭返港後詢問洗甲方法，黎小姐八卦追問下，赫然得悉印傭懷疑被騙，「我問佢整咗幾錢，佢話千幾蚊，我仲以為喺印尼整咗千幾蚊，點知原來係港幣」。黎小姐續指印傭進入店舖時，獲告知整gel甲價格為300多元，認為尚可負擔得來，豈料完成後，店員埋單竟收取近1,300元，「間舖頭話因為加咗石，而且係逐粒計」，店方經拉鋸下始同意減收費用，但僅願減至1,200元，印傭無奈付款。

黎小姐對事件非常憤怒，「就算去到中環，都唔使呢個價位啦！何況佢手上呢啲根本唔係閃石，極其量只可話係銀色圓貼紙」。她表示印傭個性善良，得悉真相後僅眼泛淚光和無奈地稱「無辦法啦」。被問到會否向消費者委員會投訴，黎小姐表示會再作打算，期望發貼後可警醒其他有意幫襯的消費者，免再中招。不少網民為印傭姐姐抱不平，批評該美甲店為「黑店」。4 R* X9 v+ B0 r9 S

歡迎光臨公仔箱論壇 (http://os.tvboxnow.com/)