公仔箱論壇 - Powered by Discuz! Board

標題: [港澳台] 小型工程零監管清拆僭建反埋禍 [打印本頁]

作者: serrurier 時間: 2015-5-24 11:30 AM 標題: 小型工程零監管清拆僭建反埋禍

小型工程零監管清拆僭建反埋禍

古人講過，世不患無法，而患無必行之法。任何制度都要切實執行，至可以發揮作用，達到目的，呢啲係公共行政管理嘅基本常識，可惜，港產官僚唔知係詐傻扮懵，定係敷衍塞責，搞到有制度好似冇制度，七國咁亂。tvb now,tvbnow,bttvb4 G' F/ M" ~, R; R
" Q4 k" L2 H1 n8 [* P4 W0 @( E
好似小型工程監管制度咁吖，當年馬頭圍道發生冧樓慘劇後，屋宇署亡羊補牢，話就話訂立咗個制度，規定小型工程需要由註冊承建商進行，確保危樓清拆工程唔會再出事喎，點知班官老爺隻眼開隻眼閉，既冇監管，又冇巡查，結果問題多多，安全隱患不減反增，你話係咪嘥氣吖。

呢，有業主聘用無註冊承建商清拆單位僭建，一開工就發現拆卸物含有石綿，當局確認後將單位封閉，仲發信向裝修公司同業主追究責任添。係人都知，石綿對人體健康危害極大，長期接觸會引發胸膜發炎，導致肺積水，甚至可能致癌，需要持牌承建商至可以收集處理，業主求其搵人裝修，後果可大可小。仲有吖，有業主搵工人清拆工廠大廈僭建平台，事後至發現裝修工人根本唔符合資格，簡直兒戲到極。tvb now,tvbnow,bttvb! s2 Y3 ^: E5 @8 u

講到底，小型工程亂象叢生，皆因唔少非註冊工人以低價搶生意，加上有啲業主一味貪平，又唔申報，卒之咪搞成咁囉。拆除僭建物目的係清除安全隱患，防止冧樓慘劇重演，但如果聘請唔符合資格嘅承建商，分分鐘弄巧成拙，反而更加危險。正如結構工程師話齋，隨便將清拆工程交畀無註冊人士做，唔止自己冇保障，仲可能危及其他單位，隨時得不償失。
公仔箱論壇8 b6 c% k5 ^: J; O/ s! e! f
話時話，既然無牌清拆存在咁多問題，帶來咁多安全隱患，當局係咪應該加強監管同巡查呢？答案啱啱相反。根據有關制度，包括簷篷、晾衫架、實心圍牆等在內一百二十幾項小型工程，無論新建、改動、拆除定鞏固，都要聘請註冊承建商進行，但實際上，有啲業主根本唔知有咁嘅制度，有啲業主就算知道亦貪平請無牌人士開工。奇就奇在過去五年屋宇署成功檢控違規進行工程嘅個案，只得兩宗咁大把，似有若無，完全冇阻嚇力可言，好明顯係執法不力喇。
tvb now,tvbnow,bttvb- \: J- G8 k ~0 a: y _+ W
講到執法不力，又點止咁多吖。早前審計報告踢爆屋宇署處理僭建物歎慢板，到依家仲有六萬八千幾份清拆令未有業主遵從，當中超過兩成已發出六至十年，最長達三十年，證明屋宇署辦事拖拉，得過且過，唔怪得周街都係計時炸彈喇。咪話功夫茶唔提醒，呢啲計時炸彈唔爆猶自可，一爆好大鑊，屋宇署官僚係咪要見到棺材先至識流淚吖？

歡迎光臨公仔箱論壇 (http://os.tvboxnow.com/)