公仔箱論壇 - Powered by Discuz! Board

標題: [港澳台] 旅業慘遇倒春寒屋漏偏逢連夜雨 [打印本頁]

作者: serrurier 時間: 2015-4-12 03:27 AM 標題: 旅業慘遇倒春寒屋漏偏逢連夜雨

旅業慘遇倒春寒屋漏偏逢連夜雨
+ Z3 F' e) D+ S. H. ^/ @
「尋尋覓覓，冷冷清清，悽悽慘慘戚戚。乍暖還寒時候，最難將息。」李清照呢首詞可以講係目前本港旅遊業嘅最佳寫照。春暖花開，本來應該係旅遊旺季，偏偏遇上倒春寒，旅客卻步，門堪羅雀，講起都悽慘。tvb now,tvbnow,bttvb; A5 d p4 Y) U! r6 G$ K% U

本來呢，香港旅遊業一片好景，年年都有增長，今年頭兩個月旅客人數仍然錄得上升，點知三月份情況就急轉直下，旅客比舊年同期減少百分之八點七，內地旅客跌幅更達一成。復活節同清明節假期仲慘，整體旅客人數下跌超過一成二，內地旅客勁減一成四，連海外旅客亦少咗百分之六點六。搞到業界要急急救亡，有五星級酒店甚至要劈價五成搶客，你話幾無奈吖。

屋漏偏逢連夜雨，消息指深圳即將收緊「一簽多行」政策，改為「每周一行」，即係話當地居民一個星期只可以來香港一次。咁搞法，香港旅遊業想唔食穀種都幾難。

係人都知，旅客人數急跌，旅遊業步入寒冬，港幣升值只係次要因素，激進組織趕客至係主要原因。人同此心，心同此理，出門旅遊無非想輕鬆吓開心吓，點知來到香港備受歧視，甚至受到暴力對待，係人都怕怕喇。難為香港仲自稱「好客之都」，簡直笑大人個口。不可不知，今時今日世界各地都為中國旅客打開大門，連歐美國家亦紛紛放寬簽證，有錢唔怕冇地方旅遊購物，使乜來香港受氣吖。

最無恥嘅係，反對派政客居然倒打一耙，話當局連日提及旅客人數下跌，係要抹黑反水貨客示威喎。而爛果報為咗幫反水客活動撐腰，竟計埋本港居民入境數字，聲稱清明及復活節假期訪港旅客不跌反升，仲反咬一口指「特首講大話針對反水客活動」。其實，講大話嘅正正係爛果報，為咗達到政治目的，不惜杜撰新聞，生安白造，畀人踢爆之後，至死死氣「更正道歉」，可謂醜態百出。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。! y- c' N4 N: a) a- V! f: ?
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。6 `/ o$ {, b& e8 d, N2 d: |6 s$ W9 Q
事實勝於雄辯，妖言豈能惑眾。激進組織以反水客為名，興風作浪，唔止動口，而且動手，連老弱婦孺都唔放過，搞到天怒人怨，淪為過街老鼠，一切都係咎由自取，何須抹黑呢？唔通只准政客拖篋做騷，唔准政府提及旅客人數下跌？
tvb now,tvbnow,bttvb: N, j- Q9 d) T6 Q
一句講晒，妖孽不除，港無寧日。旅遊業步入寒冬，零售及餐飲等相關行業亦無法幸免，業界人士指家陣嘅市況仲慘過沙士。其實計功夫茶話齋，無良政客與民為敵，不良傳媒顛倒是非，對香港嘅危害仲勁過沙士百倍！

歡迎光臨公仔箱論壇 (http://os.tvboxnow.com/)