公仔箱論壇 - Powered by Discuz! Board

標題: [港澳台] 浪費公帑最可恥市民埋單最無辜 [打印本頁]

作者: serrurier 時間: 2015-2-8 03:55 AM 標題: 浪費公帑最可恥市民埋單最無辜

浪費公帑最可恥市民埋單最無辜

有人話，貪污同浪費係極大嘅犯罪。其實計功夫茶話齋，浪費可能比貪污更加可怕，事關貪官遲早要受到法律制裁，贓款可以追回，但浪費公帑咯喎，就好似潑出去嘅水，唔止追唔番，有時甚至唔知搵邊個算帳添。tvb now,tvbnow,bttvb% b& v5 L3 ~% \: _/ H1 o

呢，有團體公布「政府十大浪費公帑事件選舉」結果，款項由幾百萬元至過百億元都有，令人觸目驚心。嗱，包括高鐵在內嘅三條鐵路超支，庫房就唔見過百億元；港珠澳大橋亦超支五十億元；連撥畀區議會發展地區重點項目嘅十八億元都使得冤枉，唔少工程淪為大而無當嘅形象工程。港產官僚敗家成性，你話係咪可怕過貪腐吖。

其實，港府出名大花筒，淨係基建工程延誤超支嘅醜聞就數唔完，以上只係冰山一角咋。好似未上榜嘅啟德體育園區咁吖，拖咗超過十年仲未動工，但造價就不斷飆升，最新估計超支七十億元，最後埋單計數，分分鐘又淪為「無底洞」。就好似西九文化區咁，十畫未有一撇，但造價已經升到天文數字咁滯，問你怕未。

大家可能會問，點解港產官僚洗腳唔抹腳？鬼咩，又唔係使佢哋自己嘅錢，又點會肉赤吖。本報曾踢爆民航處豪花超過十五億元更新空管系統，結果問題多多，睇得唔用得，延誤三年仲未啟用。而最奇怪嘅係，民航處唔索償不特止，反而向承辦商追加款項修補系統，簡直豈有此理。試諗吓，如果呢套系統係官員用自己錢購買嘅，佢哋會唔會咁求其吖？會唔會唔追究吖？# e# I6 S6 j) g: _
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。" m& y4 c5 q7 F* F% Y
所以話，港產官僚善財難捨，冤枉甘心，公帑係咁掟落鹹水海，連眉頭都唔皺一下，但叫佢哋還富於民，就牙痛咁聲，藉口多多，一時話「審慎理財」，一時話「量入為出」，要求佢哋派糖紓困簡直仲難過登天。講真，如果當局真係審慎理財，浪費公帑排行榜就唔會長搞長有喇。4 e5 C; Y# a/ x4 ]5 a/ u$ i
tvb now,tvbnow,bttvb' k% C/ a- { o$ X7 P+ h; {
呢嗱，申訴專員公署同審計署年年都發表報告，年年都狠批政府部門敷衍塞責，浪費公帑，結果年年都係得個講字，港產官僚意見接受，態度照舊，吹脹！
( E4 o2 O- ]0 h: k+ H" @4 G
講多無謂，行動最實際。家陣社會矛盾愈演愈烈，民怨已經到達臨界點，港產官僚係醒目嘅，唔該拿拿臨開倉濟民，否則，如果一方面自己浪費，一方面一毛不拔做守財奴，盞激起民怨，遲早又爆大鑊嘅咋！

歡迎光臨公仔箱論壇 (http://os.tvboxnow.com/)