公仔箱論壇 - Powered by Discuz! Board

標題: [港澳台] 食環管理不當街市淪私人貨倉 [打印本頁]

作者: serrurier 時間: 2014-12-28 04:21 AM 標題: 食環管理不當街市淪私人貨倉

食環管理不當街市淪私人貨倉TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。$ T- {7 B+ F; P6 L" ~1 ]4 j; m% _

面對房屋問題日益惡化，港府成日呻「地從何來」，其實唔係冇地，只不過當局冇好好利用啫。好似食環署街市咁吖，好多位處市區靚地，可惜由於管理不善，唔係十檔九空，就係淪為私人貨倉，你話係咪暴殄天物吖。

呢，有讀者向本報反映，食環署轄下嘅大埔寶湖道街市，唔少商舖門前擺放寫有「自助購物」嘅紙牌，但舖內塞滿雜物又無人看管，街坊想買餸都唔得。點解會出現呢幕「奇景」？原來租約規定商戶一個月內唔可以停止營業超過七日，懷疑有人以掩眼法扮開檔逃避違約責任。6 @6 G) l$ X) w! k$ w
) v0 l6 g0 V, P
講真，商戶生人霸死地，公然將舖頭當貨倉，早就唔係新聞咯。就講寶湖道街市吖，本報半年前已經報道過有關情況，食環署居然闊佬懶理，舊年至今只有三個攤檔被終止租約。正如居民話齋，食環署除咗要巡多啲、執法嚴啲之外，長遠都要考慮重新規劃同轉型，事關附近有其他街市，一日唔轉型，就算夾硬要求商戶賣同類貨品都冇意思。

咁又係呀，有頭髮冇人想做瘌痢，如果人流暢旺，生意做到冇停手，商戶又點會用間舖嚟擺貨咁大嘥吖。係人都知，食環署街市大多設備殘舊，有啲甚至連冷氣都冇，根本無辦法同大型超市競爭，搞到好多租戶慘淡經營，一日都發唔到幾次市，執吓一間又一間。審計署早喺○三年就要求食環署改善，點知對方意見接受，態度照舊，以致問題不斷惡化，部分街市嘅空置率更加接近九成，名副其實十室九空，問你服未！tvb now,tvbnow,bttvb* j- p8 n' n f {) k5 u

最離譜嘅係，食環署經營不善，搞到街市連年虧損，納稅人真係多得佢唔少。以上個財政年度為例，食環署轄下七十幾個街市虧蝕超過二億元，比對上一年上升百分之七。人哋就話一舖在手唔使憂啫，食環署貴為「舖王」，反而年年蝕錢，你話係咪無能吖。
公仔箱論壇, Y2 V' P$ }- p# W+ s
話時話，街市長期養蚊，只係港府浪費土地資源一個縮影咋。例如好多公務員宿舍長期丟空，又如當局賤價批出嘅幾十個私人會所土地，如果用嚟起屋，條數都幾襟計o架。' u0 l% C" @$ o, B! N" S5 _
tvb now,tvbnow,bttvb U" D7 S/ [! P' A* t' A
好多人諗極都唔明，房屋問題愈演愈烈，無殼蝸牛望樓興嘆，港府與其「盲搶地」，點解唔善用官地呢？特別係食環署街市，既然自己管唔掂咯，咪交番出嚟，賣畀私人發展商又得，用嚟興建公營房屋又得，咁咪可以解決好多人嘅居住問題囉！

歡迎光臨公仔箱論壇 (http://os.tvboxnow.com/)