公仔箱論壇 - Powered by Discuz! Board

標題: [香港] 洋和尚只查不究大龍鳳掩人耳目 [打印本頁]

作者: nt1972 時間: 2014-5-18 04:54 AM 標題: 洋和尚只查不究大龍鳳掩人耳目

搞到滿城風雨嘅高鐵工程延誤醜聞，隨時變成無頭公案，不了了之，港府高官唔使孭鑊，港鐵高層袋袋平安。- s3 V/ V! k% X, e

太一叮唔係亂噏□，雖然調查高鐵延誤獨立專家小組名單已經出爐，但當局話到明只查不足不究責任，你話咁嘅調查有乜意義吖？即係咁，當局今次可能學精咗，專家小組三名成員清一色係洋人，以免好似上次咁，委任港大學者李焯芬擔任調查小組主席，搞到利益衝突而要閃電請辭，成為笑話。tvb now,tvbnow,bttvb+ g& a9 z) O  X/ }

港府向來迷信洋和尚會唸經，今次照辦煮碗一啲都唔出奇。高官話有關專家係最適合人選，來自本地抑或係海外並唔重要喎。咁又係嘅，只要能夠搵出高鐵工程嚴重延誤同大幅超支嘅真相，專家係洋人定華人本來無所謂，弊在就算專家幾有料，最終可能都係得個吉嘅咋。

呢，港府高官聲稱專家小組工作只係查找不足，唔會追究責任或者提議如何懲處，職責範圍只限於檢討港鐵喺落實高鐵項目嘅有關機制同港府如何監察項目，以及檢視推展及監察項目有否存在制度性和其他問題，並就上述制度同程序提出改善意見。喂，咁搞法即係敷衍民意啫，容乜易做完場大龍鳳，最後又係大事化小，不了了之o架！tvb now,tvbnow,bttvb6 |# y' u# k2 n* e% f
os.tvboxnow.com2 L3 _: K/ A/ G6 |5 P' D
高鐵事件只查不究，市民梗唔收貨喇。有立法會議員就講得啱嘞，專家小組並無傳召權力，淨係睇文件往來，未必搵到真相，加上無權追究責任，根本就係最大嘅不足。tvb now,tvbnow,bttvb  r- j* P4 I4 A: N" f
/ C9 n- o5 ~  l* {: D9 F* ^* y
睇番成單醜聞，港鐵高層同港府官員失職彰彰明甚，有鑊唔使孭，咁嘅調查點會有說服力o架？尤其係港鐵同港府居然夾埋蒙騙市民，邊個要孭飛，係咪應該搞清楚先。嗱，呢次事件運房局局長張炳良固然有責任，而有「夾口供」之嫌嘅副局長邱誠武更加走唔甩。奇就奇在，醜聞爆煲成個月，呢位前朝貪曾舊臣一直無影無蹤，從未公開交代事件，唔通心中有鬼？os.tvboxnow.com8 c5 [2 g* @  l

同樣離譜嘅係，今次高鐵延誤搞到一鑊泡，唔止冇人受罰，反而有賞添。港鐵行政總裁韋達誠冇做好監管在先，隱瞞事實在後，能力同誠信都備受質疑，就算唔炒魷都要扣人工啦，點知港鐵居然畀佢繼續做到明年八月約滿，到時約滿酬金袋袋平安，簡直豈有此理！tvb now,tvbnow,bttvb' j. w' U. X9 a

咁多年來，每次爆大鑊，港府都煞有介事成立小組調查一番，但次次都係高高舉起，輕輕放下。呢次調查高鐵延誤重施故技，港鐵高層同失職官員唔使受罰，最終又係納稅人埋單，咁嘅調查不如慳番好過，叮！

歡迎光臨公仔箱論壇 (http://os.tvboxnow.com/)