標題:
船街鬼屋(真人真事)
[打印本頁]
作者:
ufg1989
時間:
2008-3-17 10:57 PM
標題:
船街鬼屋(真人真事)
我記得中學時期大約十多年前，一早返到學校無所事事，其中一位同學提議去船街鬼屋探險，這個提意令到好多同學仔舉腳一齊去，當時有三個女四個男，集合七個好威風地..................逃學，當我地一路出發一路吃喝玩樂，到達船街已經是大約下午十二是正，(由於我地當時係九龍區讀書，而船街在灣仔)未見到鬼屋前，己經要行一條陰深的樓梯上，石級滿佈青苔兩旁種滿大樹，陽光有一半被樹木遮蓋起，密得心情有點不安，其中一位男同學說差不多到了！到達鬼屋門口一個生銹大鐵閘已鎖，男同學己想好什樣爬入去呢！一個男的入後跟住又來男同學跟住女的...........好了已經七個入了去！起初三個女的不敢入，但其中一個比較男仔頭話入去，留低其中兩位女仔係門口石梯上重恐怖呢！七人過了大閘到達鬼屋的小花園，我地七個人講明一齊行男的行先，女就中間一字形咁行，好！深呼吸向鬼屋進發，當時我排第二個，行第一個係我當時最要好同學仔感情最好，如同兄弟。當踏步到鬼屋門口，一看之下破爛得面目全非，不知哪是大廳哪是房間，只知道還有些少破舊門框同垃圾，我地重把趣地估哪是廁所哪是主人的炮房，雖然當曰陽光普照，但陽光未能充份給我們看清前面，在廳旁發現一條木梯，一條古式的施轉木梯向上面二樓同天台，當我前面的同學正想上時，他突然不動成個人停了，我還大聲喊道：行啦！兩手係佢膊頭一推，佢成個人好驚，跟住佢同我講叫我行先，由第二個就變成敢死隊先鋒的一個，一路上一路上後面班友己經又驚又不停講野！上到天台七個人無講任何野好嚴蕭，當我扮導遊話呢度就係天台呀！忽然間大約十幾廿隻烏鴉飛出來，嚇完我地之後走上屋頂不停地，鴉鴉鴉鴉鴉！天台上遠處有一個古式化妝檯，當時見到塊鏡已經破爛了，我還好奇行前一看，一看之下突然見到一名唐裝衫的男人出現係我眼前由前面至左面到我左面眼角撓過我後面消失！3秒，3秒鍾我到依家都記得這3秒！其中一位女生到化妝檯前突然大叫嘩！的一聲。各人紛紛上前問什麼事？她哭住地說見到鏡中的不是她本人還堅決要馬上離開，這種情形不用多說走吧！我好驚但無計我唔可以呢個時候同大家講我見到什麼，又係我行頭，因為我係全男中最大隻，落木梯離開時，比我又再一次見到一個黑影係我不出十步前面穿牆消失，我未有大叫只好硬住頭皮向下走，直到離開大屋。到花園還未離開大閘時，鳥鴉又再群起叫著，鴉鴉鴉鴉鴉鴉！嚇到我們極速走難！女的都不固儀態爬、走！出到石梯上向灣仔方向走，個人無咁驚定了，突然走了一個露宿者，上身無著衫成身好多鐵鏈同鎖同鎖匙的怪人出現，問我地係咪去過鬼屋來？我話：「係！」我地成班喘晒氣咁，個怪人同我地講就算正午十二點都唔好入去，入面好邪！我連聲話係呀係呀！重叫我地呢班人依家去d多人的地方行下先！跟住我點頭.........去到灣仔人多車多，我將見到的一五一十講給大家聽，大家都話好邪怕怕！話講番轉頭，原來當時行第一個我個同學兄弟，佢事後好多謝我用手推佢一下叫佢行，原來佢兩隻腳都比d野捉住唔郁得，其實佢都好驚！跟住個幾個女仔同我地幾個男仔塔地鐵去旺角同尖沙咀行一行！我地難得逃學重去便利店買即用相機拍照！(當時手機無拍照工能)由於開心好快就同一日忘記了！到第二曰大家照常返學，不過個幾個月後我地七個人不約而同地差不多晚晚都發惡夢呢.........
作者:
benmars
時間:
2008-3-20 12:13 PM
怕怕吖……
歡迎光臨 公仔箱論壇 (http://os.tvboxnow.com/)
Powered by Discuz! 7.0.0
