公仔箱論壇 - Powered by Discuz! Board

標題: [香港] 賴天賴地又賴人港鐵分明講大話 [打印本頁]

作者: nt1972 時間: 2014-4-19 04:51 AM 標題: 賴天賴地又賴人港鐵分明講大話

孔子曰︰「不怨天，不尤人。」對於港鐵嚟講，呢句說話顯然係對牛彈琴。嗱，廣深港高鐵香港段工程一再延誤，港鐵賴完天氣同地質後，日前又賴工人不足喎，總之乜都唔關佢哋事，問你服未。

港鐵日前承認，以天價六百六十九億元興建嘅高鐵工程最少延誤九個月，估計最快二○一七年至可以通車。港鐵歸咎上個月一場黑雨後洪水浸壞鑽挖機，加上西九總站石層堅硬、地質複雜阻礙工程進度，之後又話工人不足所以追唔上進度喎，真係名副其實「怨天尤人」。
tvb now,tvbnow,bttvb4 L$ [! c0 V2 W/ ~0 ~7 Q
好心港鐵卸責都搵好啲嘅藉口，唔好侮辱市民智慧喇。地質複雜應該一早知，正如有工程師話齋，事件反映港鐵進行工程前勘探不足，原先設計要大執，以致要邊設計邊建造；亦有工人踢爆工程圖則經常更改，有時一日開得嗰兩、三個鐘頭工，有乜辦法唔延誤呀？
os.tvboxnow.com8 X$ R' n, H* y+ `2 N
即係咁，港鐵好似唧牙膏咁，講法天天新款，固然無賴，而負責監管嘅港府一味卸膊，更加抵鬧。對於高鐵工程無法如期完工，運輸及房屋局局長張炳良竟然好似啱啱瞓醒咁，話上周至收到港鐵通知，覺得「非常驚訝、意外同失望」喎。其實舊年已流傳高鐵西九總站設計出問題，令工程延誤同超支四十四億元啦，港產官僚當時點解唔跟進呢？立法會議員就講得啱嘞，政府分明想卸膊，同港鐵扯貓尾糊弄市民。os.tvboxnow.com2 i: u F4 @6 n( Y e

唔理港鐵同港府係鬥卸膊定係扯貓尾，市民始終最關心兩件事︰第一係幾時通車；第二係超支幾多。高鐵工程愈揭愈多問題，二○一七年係咪真係搞得掂，完全唔樂觀；至於超支問題，雖然港鐵死撐六百六十九億元預算夠使，但目前淨係工程延誤引發嘅索償就達七十五億元，有人估計整個工程最終睇怕冇一千億元都落唔到樓。
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。6 v+ u% k1 A4 H8 p7 Y) n# f
俗語話，人比人激死人。廣深港高鐵全長一百四十幾公里，其中佔一百一十公里嘅廣深段早喺二○一一年通車，造價只需一百六十幾億元人民幣。反觀香港段，路程短，興建慢，造價高，難怪有人諷刺，就算用黃金鋪路都唔使咁貴喇！

鄧小平當年講過，英國人做得到，中國人也能做到。事實證明，港英時代做得到嘅，特區政府往往做唔到。淨係講基建吖，港英時代推出玫瑰園計劃，坐言起行，港人到今日仍然享受緊成果；回歸後特區政府坐而論道，基建發展一拖再拖，高鐵係咁，其他大型基建又係咁，唔通真係「往事只能回味」？叮！

作者: daball 時間: 2014-4-20 01:19 AM

成班食屎狗貪官奸商, 淨係識扒錢落袋, 張大眼講, 我會做好呢份工.... 香港遲早比佢地扒乾扒淨. 而家條勾鼻鷹做得好唔好無得比較, 佢比咁多人圍主要係佢上台好多人扒少左. 市民小炒家又無得好似以前咁玩大傻遊戲玩得咁爽.... 不過佢其實係救左你, 等你無死得咁慘. 比班大貪官奸商上台, 炒上三五萬銀一尺... 乜差野都話要幾百億幾千億先做到... 到時食碗面飲杯奶茶都要幾百... 排隊跳樓都唔掂.

歡迎光臨公仔箱論壇 (http://os.tvboxnow.com/)