公仔箱論壇 - Powered by Discuz! Board

標題: [港澳台] 肅貪不能靠把口倡廉務必打貪曾 [打印本頁]

作者: serrurier 時間: 2014-1-16 03:24 AM 標題: 肅貪不能靠把口倡廉務必打貪曾

肅貪不能靠把口倡廉務必打貪曾tvb now,tvbnow,bttvb4 }% s' A5 t: u7 n

內地政府高調反貪防腐，原因非常之咁簡單，國產貪官特別多，唔反貪防腐就會亡黨亡國。既然係咁，一向將廉潔奉公作為核心價值嘅香港，因乜事幹最新一份施政報告罕有地高調提到「加強肅貪工作」？原因同樣非常之咁簡單，港產貪官都唔少，而且有愈來愈猖獗嘅趨勢，唔加強肅貪容乜易好似內地咁萬劫不復呀！公仔箱論壇. I* y; B2 Q; G) a& l
os.tvboxnow.com( [2 ~! f# L; b; G3 l3 Z6 ^( w
特首梁振英昨日發表嘅施政報告係咁講：「協助政府各決策局、部門及公營機構檢討其紀律守則，確保能達到公眾期望的最高誠信標準，藉以提升政府和公營機構的廉潔管治。」另外又講到：「為加強內部監控工作，廉政公署將擴展內部審計小組，以處理最近外間檢討報告所指出的問題，務求提升管治水平、確保遵守規例、而且各工作綱領都合乎衡工量值原則，以及提高署內人員對風險和財務管理的意識。」

唉，一個人如果識得去完廁所洗手，佢阿媽唔使日哦夜哦叫佢確保衞生，偏偏有部分邋遢到極嘅污糟貓，去完廁所真係唔洗手，咁先至有必要「加強除污工作」吖嘛。家陣嘅情況就係咁，香港既有一個貪遍海陸空嘅前特首曾蔭權爵士，又有一個亂用公帑買茅台嘅前廉政專員湯顯明，貪曾同貪湯組成絕代雙貪，港府唔苦口婆心加強肅貪工作都唔得啦。喺功夫茶印象中，以前嘅施政報告甚少提到要加強肅貪，可見依家嘅貪腐風氣係幾咁嚴重。

事實證明，香港已經被絕代雙貪佗衰家。美國傳統基金會同《華爾街日報》日前發表「全球經濟自由度指數」，香港連續第二十年蟬聯全球最自由經濟體，之不過報告同時指出，香港廉潔指數按年急跌一點七分至八十二點三分，不但喺首六名自由經濟體系之中包尾，二十年來更加累計下跌七點七分，跌幅係十大評分項目之中最大。由於廉潔指數急跌，香港同排名第二嘅新加坡距離縮窄，由去年相差一點三分，縮窄至只有零點七分。
公仔箱論壇4 X2 J4 N# y8 H0 y( p8 ~
正如廉政公署前調查主任林卓廷批評，貪曾、貪湯同前政務司司長許仕仁三人先後捲入貪腐醜聞，佢哋嘅行為嚴重打擊本港廉潔形象同市民信心。
公仔箱論壇8 ^6 f& b+ K% s) m2 o. ?
你話羞家唔羞家吖？香港嘅廉潔指數係咁跌，如果唔盡快撥亂反正，隨時好似內地咁樣貪官污吏通街走，梗有一個喺左近。至於點樣撥亂反正咯喎，首先當然係嚴肅處理貪曾啦。喂，廉署話就話查貪曾，查咗咁耐究竟查成點呀？幾時有交代呀？幾時會檢控呀？如果一拖再拖最終放生貪曾，所謂加強肅貪工作只會係天大笑話！

計功夫茶話齋，肅貪不能靠把口，倡廉務必打貪曾，否則香港嘅廉潔指數肯定低處未算低！

歡迎光臨公仔箱論壇 (http://os.tvboxnow.com/)