公仔箱論壇 - Powered by Discuz! Board

標題: [時事討論] 添馬男：鬍鬚林鄭靚抽 [打印本頁]

作者: felicity2010 時間: 2013-12-9 10:01 AM 標題: 添馬男：鬍鬚林鄭靚抽

添馬男：鬍鬚林鄭靚抽公仔箱論壇' a3 K& P0 e( e1 g- ~# u; r
tvb now,tvbnow,bttvb6 H/ m( \2 @. J4 B9 K( A
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。4 g, h* n, v' b v0 M# L% O& u6 S3 t

■鬍鬚曾擅長劍擊，深明攻守之道，上周六應付掟蛋事件的表現完勝CY。

上周六梁振英真慘情，一日之內被政府內二三當家聯手攻擊，慘變Odd Man。首先用力抽擊者乃政務司司長林鄭，佢主持政改諮詢，當正自己初選宣傳，而且仲擺脫過往梁特對政改欲言又止、陳腔濫調式lineto take。佢接受有線訪問，表明當前特首欠認受性，管治有危機，如果2017年冇普選，管治危機無法解決。梁振英忽然中拳，記者追問佢對林鄭言論睇法，惟有閃開。林鄭所言，根本就係政治常識，香港人早就明白箇中道理，但由林鄭宣之於口，份量自然不一樣。但抽完呢次，下次就冇咁易，因為下一個followup問題就係：「如果係有篩選嘅伊朗式普選，特首認受性危機未解決，管治危機會否更嚴重？」

5 `2 l$ v) M0 G, ]+ c1 }6 r4 g
掟蛋事件　特首嚴重失分公仔箱論壇0 ~5 s2 r; Y) j( p1 W

同日另一靚抽來自特區政府內唯一劍擊高手鬍鬚曾，梁振英為求集大權於一身，用各種政治手段架空財政司司長，先準備開設副財政司司長，由陳茂波出任實行人盯人，點知詭異地在財委會表決中被否決。第二招將特首主導嘅施政報告押後至1月，貼實2月財政預算案，令財政司司長冇咗一個屬於自己嘅政治舞台，實際改變咗殖民地行政主導體制中，財政司制衡行政首長嘅角色，梁順理成章取消財政預算案獨立諮詢呢一part。須知政府budgetary process，乃財政司與各政策部門及政黨、商界對公共資源分配討價還價嘅過程，因此財政司司長先有政治權威。梁此舉係削弱財政司司長，令佢變相downgrade為庫務局局長，搣走佢政治功能，成為特首附庸。

鬍鬚曾變成梁跟班，在合併後嘅諮詢會中好少發言，在地區論壇中任由梁表演口技，狂噴口水，佢就經常講一句：「我冇嘢要補充」，一副「你梁振英要威咪威飽佢」嘅姿態。但人算不如天算，上周六北角地區論壇社民連班百厭星，準備向梁掟雞蛋，但因欠眼界誤中鬍鬚曾個額頭，佢退場半小時清理，點知仲返入會場，以輕鬆態度回應「中蛋」事件，話醫生叫佢唔好食咁多蛋，又話好彩冇着靚西裝，談笑之間四両撥千斤。但另一邊廂梁振英卻以為執到，社民連送上門，立即嚴詞譴責以示強勢，殊不知兩人處理手法，在公眾前立顯高低，梁更阻止曾向記者表達感受，嚴重失分。os.tvboxnow.com: T& }9 |- d2 q1 ~' [

機關算盡，以為今次仲唔借勢發圍，但偏遇上個劍術高手，鬍鬚曾去論壇前，剛返母校喇沙教小師弟們劍擊之道。劍擊中所謂防守劍，乃在嚴密防守中睇準機會反守為攻，一擊得分。翌日傳媒紛將曾之遊刃有餘視為有政治胸襟、有智慧及有水平，長毛亦代表社民連致歉，鬍鬚曾以德服人，而梁就成為惡形惡相、借勢發圍之小人。

經此一役，對睚眥必報嘅梁振英來講，財爺真係要睇路。

+ O; @# w# M% R# j% m+ e# Z0 V

歡迎光臨公仔箱論壇 (http://os.tvboxnow.com/)