公仔箱論壇 - Powered by Discuz! Board

標題: 廉潔指數下跌核心價值不保 [打印本頁]

作者: mayeee 時間: 2012-12-6 05:43 AM 標題: 廉潔指數下跌核心價值不保

有人話，廉潔係進步嘅階梯，腐敗係滅亡嘅快車。咁香港究竟係邊樣呢？大鑊，答案係香港喺廉潔嘅階梯跌到嘭嘭聲。

嗱，全球反腐組織「透明國際」公布本年度廉潔指數，喺一百七十六個國家及地區之中，丹麥、芬蘭、新西蘭並列第一，瑞典緊隨其後；至於香港咯喎，排名不進反退，比去年跌咗兩級至第十四位，唔止創五年新低，更加畀排名第五嘅新加坡遠遠拋離，講起都丟架。tvb now,tvbnow,bttvb4 K  f/ _9 W$ y- d' I# J

廉潔係香港嘅核心價值，亦係賴以成功嘅基石，廉潔指數急跌，顯示香港核心價值正逐漸消失，前景不堪設想。係人都知，回歸十五年來，香港原有優勢已經買少見少o架嘞，租金貴到連米芝蓮食肆都頂唔順，空氣差到令外地人望而卻步，如果連一直引以為傲嘅廉潔同法治都保唔住，香港仲可以靠乜嘢呢？借用京官講法，香港遲早變死港嘅咋。tvb now,tvbnow,bttvb9 m& v. l! ?7 y0 y0 y

點解香港廉潔指數排名每況愈下？主辦機構無解釋，不過從評審準則都估到九成咯。廉潔指數係以各地市民對當地政府及公營機構貪污情況嘅觀感來評分，嗱嗱嗱，答案呼之欲出啦，港府前一哥曾蔭權爵士同前二哥許仕仁雙雙爆出貪腐醜聞，一個「貪遍省港澳，歎盡海陸空」，一個涉及官商勾結被廉署落案起訴，上樑不正下樑歪咯喎，香港受到貪腐歪風吹襲，廉潔指數有乜可能唔跌到一仆一碌吖！% O- p  v% A8 \$ N- q

貪字得個貧，好嘅唔靈醜嘅靈，唔通香港氣數已盡，就咁畀貪腐高官搞到廉潔破產？喂，又話「香港勝在有ICAC」嘅，廉政公署仲等乜嘢呀，許仕仁已經落鑊，貪曾仲逍遙法外，廉署唔通要等到香港廉潔排名跌到包尾至肯做嘢？
/ t' W5 B  ~4 i" B! ]9 q
有辦畀廉署睇o架，內地貪官當道，貪腐成風，廉潔指數排名跌至第八十位，簡直慘不忍睹。廉署唔係想搞到香港同內地一樣吖嘛？貪曾貪腐鐵證如山，如果咁都走得甩，仲有天理嘅！公仔箱論壇  q2 a% f( K; b$ C
os.tvboxnow.com: |- j7 i: f" m
咁講啦，內地有無可能整治貪風，仲要睇新一屆領導人嘅魄力同決心，而香港有無機會喺廉潔排行榜追番上去，就要睇廉署嘞。辦法好簡單嘅啫，只要廉署依法辦事，將貪曾呢隻大老虎繩之以法，香港話唔定可以洗甩污名，脫胎換骨。嗱，廉署就算唔顧自己塊金漆招牌，都應該顧住香港廉潔之都嘅聲譽啦，叮！

歡迎光臨公仔箱論壇 (http://os.tvboxnow.com/)