公仔箱論壇 - Powered by Discuz! Board

標題: 隱瞞世紀絕症　庸官草菅人命 [打印本頁]

作者: bw201020 時間: 2012-3-18 12:57 PM 標題: 隱瞞世紀絕症　庸官草菅人命

龍年係咪「世紀末日」無人知，但係夕陽政府末日症候發作就珍珠都冇咁真，政壇爭頭位鬥到你死我活唔在講，懸壺濟世嘅醫生居然醫人不自醫，救死扶傷嘅醫院居然淪為世紀絕症病毒溫床，搞到全城人心惶惶。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。% E) w! u: U: z7 ]8 ?8 s7 L2 u

公立醫院又爆醜聞，借用唐唐最新金句，今次「真係好得人驚」。東區醫院一名靚仔外科醫生年初墮樓身亡，當局事隔兩個月至證實，死者係愛滋病帶菌者，但未有申報，亦唔知感染來源。當局話喎，已經邀請世衞專家月底來港評估風險。os.tvboxnow.com: {9 U1 S& u" w6 m7 j

呢鋪大鑊嘞！唔止事發時處理過屍體嘅警員、仵工以及清潔現場嘅工人隨時領嘢，死者生前做手術接觸過嘅病人一樣牙煙。更何況，事件拖咗咁耐至曝光，而病毒傳染性又強，潛在風險難以估算，唔驚就假。唔怪得東區醫院醫護人員、病人同家屬狂鬧醫管局隱瞞真相，草菅人命。

醫管局收收埋埋玩靠害，佢地老頂食衞局局長周一嶽更無恥，佢輕描淡寫咁話，經手術傳播愛滋病嘅機會好低，所以唔使主動聯絡有關病人，仲話全港愛滋病帶菌者超過五千人，「周街好多人都可能係帶菌者」。

乜話，香港周街都係愛滋帶菌者？周一鑊抹黑香港，知唔知自己噏緊乜o架？呢頭山長水遠喺世衞請專家嚟評估風險，嗰頭佢又亂派定心丸，話冇乜風險。到底有定冇？叫港人信邊樣？當局仲想瞞騙靠害到幾時？tvb now,tvbnow,bttvb. [% n' h- K# X/ h# {+ ^7 M+ O

做官要有官德，行醫要講醫德，身為醫療衞生主管嘅周一嶽兩樣都冇。講行政管理，佢符碌無能，渾渾噩噩，搞到公營醫療系統烏煙瘴氣，前線醫護意興闌珊，病人同家屬怨聲載道；雙非問題水浸眼眉，佢唔係從根本上解決問題，卻一味以所謂行政措施敷衍了事，實情係將責任推畀其他部門同內地政府。os.tvboxnow.com* U# @3 ]0 i6 _ F* |
0 ^; X+ E5 `. [/ h
周一鑊冇做好自己份工不特止，仲成日不務正業，尋日居然走去參加「畀面派對」，出席私人醫務中心開幕禮，好嘅唔學，學足老細煲呔曾咁毫不避嫌，同商界勾勾搭搭，唔怪得被人質疑醉翁之意不在酒，想「泊碼頭」，驚好快夠鐘收工冇得再撈，先搵定後路。

上樑不正下樑歪，煲呔曾係咁，周一鑊又係咁，高官一個接住一個胡混度日，未落台已急急搵退路、泊碼頭，香港點會有運行吖。計功夫茶話齋，如果一眾庸官有意落台後搵真銀，唔該早抖，唔好阻住地球轉吖！

歡迎光臨公仔箱論壇 (http://os.tvboxnow.com/)