公仔箱論壇 - Powered by Discuz! Board

標題: 公道自在人心　請聽正義聲音 [打印本頁]

作者: tyktyk22000 時間: 2012-3-11 01:22 PM 標題: 公道自在人心　請聽正義聲音

「得道多助，失道寡助」，孟夫子講得一啲都冇錯。呢個世界有正義與邪惡之分，無論邪惡勢力點樣猖獗，點樣奸詐，始終鬥唔過正義，道理好簡單，「得道多助，失道寡助」吖嘛！tvb now,tvbnow,bttvb& t& l$ ]; @3 u

話說近年有幕後黑手喺網上散播大量誣衊東方報業集團涉及刑事罪行嘅誹謗性貼文，流傳全球十幾個國家及地區，數量多達八百幾篇，淨係中國網站就佔咗七百幾篇，唔少仲係官方網站，嚴重損害東方聲譽。雖然東方多次向中央反映問題，但如石沉大海，一直無回應。全國政協委員劉夢熊睇唔過眼，日前向「兩會」遞交提案，要求「切實保護正義報刊名譽權和合法權益」，總共有四十名港澳全國政協委員聯署支持，簡直係眾志成城，其利斷金，令人振奮。不可不知，咁多港澳地區全國政協委員聯署一項提案，今次都係第一次嘅咋，證明公道自在人心。

其實，舊年六月東方曾致函國務院港澳辦，反映大批中國網站刊登已被香港法院裁定為誹謗嘅貼文，惡意中傷東方，要求網站刪除，點知阿爺詐傻扮懵；三個月後，二十七位全國政協常委及委員、全國人大代表、香港行政會議成員以及立法會議員聯署，再次去信中央多個部門，敦促盡快取締中國網站刊登誹謗東方嘅違法文章，呢次阿爺唔止闊佬懶理，直情「零回覆」添！
8 m" r% Z- i; a9 c: R5 F( ~% \7 m3 r$ o
唔怪得人大同政協成日畀人嘲笑係橡皮圖章同政治花瓶，真係冇講錯㗎。試諗吓，咁多人大代表及政協委員聯署，當局居然無動於衷，咁仲唔係橡皮圖章同政治花瓶？本來呢，中央政府設立人大同政協制度，無非都係想吸納民意，集思廣益，出發點係好嘅，弊在當局講一套做一套，年年「兩會」好似走過場咁，根本當民意冇到，想唔變成橡皮圖章同政治花瓶都幾難喇。9 ?2 w* R) M# z& v2 v4 A
os.tvboxnow.com1 Z1 J) H& q6 m' [* \8 O
話時話，人大同政協裏面其實有好多正義之士，佢哋不為私人利益，一心一意想為國家、為香港出謀獻策作貢獻，只可惜，「我本將心向明月，奈何明月照溝渠」，幾十位政協委員聯署，阿爺都可以不聞不問，又點樣作貢獻呢？

點都好，「高天滾滾寒流急，大地微微暖氣吹」，無論幕後黑手點樣奸詐陰險，無論中國網站點樣助紂為虐，無論中央政府點樣黑白不分，今次四十位政協委員仗義執言，為東方討公道，還網絡一個健康世界，證明天地有正氣。由於人數眾多，無法一一道謝，功夫茶謹此向各位正義之士九十度鞠躬，致以最衷心嘅感謝！當然，舊年二十七位聯署嘅各界知名人士亦為伸張正義作出努力，功夫茶喺度一併多謝！皆因有你哋，世界真美麗！

歡迎光臨公仔箱論壇 (http://os.tvboxnow.com/)