公仔箱論壇 - Powered by Discuz! Board

標題: 法官大人饒命　切莫再判錯案 [打印本頁]

作者: tyktyk22000 時間: 2011-12-23 09:57 AM 標題: 法官大人饒命　切莫再判錯案

有一單法庭案件好盞鬼，可以話係本年度其中一單奇案，簡直奇過港珠澳大橋環評官司。無巧不成話，兩單案嘅原訴人都係「阿婆打官司」，而且都係一度勝訴。
tvb now,tvbnow,bttvb* v1 q4 T% d0 u9 s2 }
最近呢一單奇案係咁嘅，家住筲箕灣興東邨嘅六旬鄧綺瑜係綜援受助人，公屋租金同差餉都係由社署支付。鄧婆婆入稟告官，原因係政府分別於○二及○七年推出紓困措施，寬免公屋租金同差餉，佢認為社署應該退還相關金額二千三百元畀佢。
好嘞，大家運用一下普通常識，原訴人一向唔使交租，政府寬免公屋租金同差餉，社署應唔應該「回水」畀佢呢？梗係唔應該啦。打個譬喻吖，功夫茶請你食飯，唔知點解餐廳老闆大發慈悲益街坊，宣布飯錢全免，咁功夫茶係咪應該將相關飯錢轉送畀你呢？唔好玩啦，你估你係又食又拎嘅國產野蠻狗官咩！ s1 {9 S) X( z( I, g! b1 ]
本來呢，智力只要稍稍正常都會覺得阿婆打官司實在無理取鬧。之但係好可惜，香港有一班智力超常嘅司法人員，高等法院原訟庭匪夷所思判阿婆勝訴，可獲發還相關款項喎。4 o2 f: k9 T0 W0 h2 f9 ~
好彩社署都唔蠢得晒，仲識得提出上訴。經過一輪答辯之後，上訴庭尋日推翻原訟庭裁決，判定社署毋須向鄧綺瑜支付政府寬免嘅公屋租金同差餉。判辭指出，社署代綜援戶交租係實報實銷，政府寬免租金同差餉嘅款項不屬於綜援戶。判辭又認為，無論有冇寬免措施，綜援戶根本毋須交租，因此不存在社署侵吞款項，原訴人錯誤理解。
換言之，原訟庭法官同樣錯誤理解，先至會判阿婆勝訴。再換言之，法官判錯案。
呢嗱嗱嗱，法官判錯案呢家嘢可大可小，隨時損害香港賴以生存嘅法治基礎。你知啦，判錯案即係公義不彰，公義不彰即係無法無天，無法無天即係世界大亂，到時香港一定瓜得！
關於判錯案，有一單更加離譜。有人涉嫌剪爛大廈防盜鐵絲網而被控刑事毀壞，原審法官認為被告盤問證人之時語無倫次，將佢還押監房索取精神報告。上訴庭法官質疑還押決定係明顯犯錯，未定罪唔應該令人失去自由。被告最終上訴得直，反映無辜坐監十四日其實係冤獄。
喂，香港奉行一國兩制就係要避免好似神州大地咁多冤假錯案啫，你無端端剝奪老百姓人身自由，六月飛霜都有之！os.tvboxnow.com( V( E: z8 y# K5 H( [
講到呢度，功夫茶有必要代全港七百萬小市民求一個情。饒命呀法官大人！開恩呀法官大人！切莫再判錯案呀法官大人！若然法庭官司一錯再錯繼續錯，爆發另一波移民潮就唔好啦！

歡迎光臨公仔箱論壇 (http://os.tvboxnow.com/)