公仔箱論壇 - Powered by Discuz! Board

標題: 街市租上租管理弊中弊 [打印本頁]

作者: tyktyk22000 時間: 2011-11-24 07:23 AM 標題: 街市租上租管理弊中弊

街市租上租管理弊中弊時事常識問答題，大家知唔知全香港有幾多個公眾街市？雖然答中冇獎，但係都不失為益智遊戲。開估嘞，全香港有二百零二個公眾街市，其中一百零二個由食環署管理，另外一百個街市嘅管理者係惡名昭彰嘅領匯。
* l/ U: j. s! q; v: }' q
提到街市，相信係好多香港人嘅集體回憶。有冇被活魚擺尾嘅池水濺過呀？有冇被生劏田雞嘅場面嚇親呀？有冇被以貌取人嘅大嬸呃秤呀？逛街市真係好好玩o架，簡直係成長過程必不可少嘅人生閱歷。os.tvboxnow.com6 _7 f: |7 H b, e6 t% ?* b

之但係咁，今時今日家庭主婦嬌生慣養，未必會鍾情於濕納納又亂糟糟嘅街市，寧願幫襯乾乾淨淨嘅超級市場。於是乎咯喎，傳統街市日漸式微。
6 E( q) U" g: J1 ~- r6 U
呢嗱嗱嗱，公眾街市開始出現怪現象，不少檔主私下轉租甚至轉讓。本報記者發現部分街市檔口租戶公然違規刊登廣告，屯門良景街市、沙田沙角邨街市以及黃大仙牛池灣街市都有類似轉租情況。好似牛池灣街市咁吖，一名魚檔檔主係咁講嘅：「檔口月租六千三蚊，你以後向食環署交租就得，之後每月畀四千蚊我當『茶錢』，夾埋都係一萬零三百蚊。」對方仲話：「畀人查起上嚟，你都唔使驚，話你係我夥計，佢就奈我哋唔何。」至於領匯負責管理嘅良景邨街市，一名豆腐檔女檔主透露，自從刊登廣告轉讓檔口之後，兩日有五人議價。5 h7 D9 |, e6 m8 e- c: {

點解會咁嘅呢？港九新界販商社團聯合會主席鄭素娥就話嘞，估計事件同街市生意差有關，檔主為求甩身而不惜違規辦事。雖然呢家嘢就算被揭發都唔使坐監，不過都有相當大風險o架，不但檔口隨時會被收回，萬一租上租嘅經營者做嘅係非法勾當，原檔主亦有機會惹禍上身。公仔箱論壇6 e' t+ `. W5 t1 D( v

講到呢度，功夫茶必須補充一點，公眾街市檔口一般以競投方式出租，合約為期三年。換言之，如果生意真係差到冇朋友，檔主都要夾硬死頂三年。所以咯喎，生意差係導致租上租嘅原因之一，減輕損失吖嘛。9 x2 L: H! M" j6 z% U, h' g

好嘞，回歸最基本問題，點解公眾街市吸引唔到顧客嘅呢？答案可以透過近年來連番開炮嘅審計署得到靈感：食環署管理不善！

喂，公眾街市真係幾趕客o架，濕納納係一個問題，亂糟糟係一個問題，空氣唔流通都算嘞，仲有一家嘢係吸引唔到顧客嘅致命傷。你知啦，新一代美女廚神只係鍾意買餸而唔鍾意做一個身水身汗嘅搬運工人，公眾街市不設送貨服務，你話係咪將顧客趕咗去超級市場吖？
1 ]: H3 Q$ I9 B8 R$ }) x% T+ i
所以話啫，街市租上租，管理弊中弊，如果食環署同領匯唔積極改善管理質素，即使租上租都係拍烏蠅o架咋！

歡迎光臨公仔箱論壇 (http://os.tvboxnow.com/)