自從新一代 Swift抵港後，迅速成為 Suzuki中最熱賣車系，不過墨守成規永遠唔係車界作風，大膽創意至有人 Buy。趁住呢個初秋天氣，本地代理繼續保持火辣，以紅白為主嘅 Chili Hot Edition為今個初秋保持熱辣。本身 Swift青春味已經滿瀉，加埋辣椒花臣，更加令外形充滿野性誘惑。
黑色車身是主調，配上鮮紅色條紋，由頭燈一直伸延至車尾，配上本來已有紅框設計的尾燈，令形象更醒神養眼。另外兩邊側鏡亦換上紅色外殼，至於四輪亦全改為啞黑輪圈，令全車產生更強烈視覺效果之餘，亦為這車仔帶出跑味；不過十個男人九個都係貪新忘舊，就算幾辣，總有變心的一日，代理細心到為呢班男士諗到盡，紅色飾面可以選擇貼紙拉花或者噴油，無論花心男定專一男都服侍周到。
