公仔箱論壇 - Powered by Discuz! Board

標題: [食肆地點] 黑超伯伯雞蛋仔　激脆薄 [打印本頁]

作者: nt1972 時間: 2011-8-11 06:18 AM 標題: 黑超伯伯雞蛋仔　激脆薄

入得大澳，固然要幫襯黑超伯伯嘅炭燒雞蛋仔，而黑超伯伯本身，亦唔係小販阿伯咁簡單，佢係大澳景點之一，係人肉佈景板。/ O2 D+ [2 J7 x" L Y

黑超擋火風扇吹蛋& R" Z& s7 _) M0 U( z9 E
打開開飯網，大澳排首位食肆竟然唔係甚麼海鮮酒家，而係一個人─黑超伯伯。採訪當日係周一，黑超伯伯檔口依然人龍不絕，只見佢戴 Cool爆黑超，背心一件，型到好似拍《阿飛正傳》咁，我舉機想閃佢相，佢話：「唔好行咁近，驚啲火彈到你。」點解戴黑超？佢話：「要睇炭爐火光。」謎團終於解開，原來唔係為型，大熱天時堅持用炭爐，我行兩步路都身水身汗，好彩佢都識得開把風扇凉快吓，「風扇唔吹我，用嚟吹走雞蛋仔水份，咁先夠脆。」呢種捨己為雞蛋仔嘅偉大精神，值得欽敬呀。七十幾歲何解唔退休？「退休仲易去呀。」
吹水期間，大把人圍住阿伯影相，佢有佢做人肉佈景板，我有我喫雞蛋仔，味道方面，坊間食開嗰啲無論幾脆都好，外層總有一定厚度，黑超伯伯做嘅雞蛋仔就真正脆得嚟薄，裏面好鬆軟，蛋漿好足，中間全無空位，正呀。（大澳吉慶前街） ( C7 Q$ |4 x- Y5 b5 |% C; C

問大澳邊間山水豆腐花最正，村民力推「車站豆腐花」，老闆娘叫豆腐婆，踢拖穿梭客人之間，好忙。 Cassie周圍望，見到牆壁貼咗好多筆觸幼嫩嘅圖畫，其中一幅畫住隻熊貓，熊貓話：「雖然我吃竹，但我最愛吃車站豆腐花的東西。」可愛到爆，豆腐婆：「我孫仔畫 o架，我阿媽嗰代已經做豆腐花，我細細個幫手開檔，做到家六十幾歲，點計都有百年歷史。」豆腐花咁滑，除因大澳水質好，仲因為堅持用石磨磨豆，我試凍太極，即豆腐花加芝麻糊，滑到自動跣入喉嚨，芝麻糊本身夠甜，唔落糖已經正爆。（大澳永安街） TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。8 k \4 Q2 C& F4 c5 b
tvb now,tvbnow,bttvb8 T# M6 @: Y7 E! l- f# Y
行經「華峰店」， Cassie即大叫：「做乜啲雞蛋咁細隻，偷工減料？」老闆曾先生解畫：「呢啲係初生雞蛋，即係五至六個月大嘅雞生嘅蛋，蛋黃比一般雞蛋更嫩滑。」食過，又真係無講大話，口感果然特別嫩滑。突然聞到一陣魚香味，以為係燒魷魚，原來係燒魚春同瀬尿蝦乾，炭火燒特別香，魚春鬆化，瀬尿蝦乾甜甜哋，又係抵撐！（大澳街市街）

炭燒海鮮　芝味十足「肥妹燒烤小食」飄來陣陣芝士香，一望，不得了，爐上面燒緊勁多海鮮，芝士燒到起晒泡，睇見都流口水。先試芝士焗生蠔，煙肉洋葱撈埋芝士燒到燶燶哋，熱辣辣半溶正爆，蠔汁勁有海水味。再試芝士焗大頭蝦，蝦好大隻，加蒜茸同芝士燒，啖啖肉之選。最估唔到係連燒鮑魚都有，大連鮑點辣汁，煙韌惹味。老闆好勤力，每日晨早流流四點鐘去香港仔攞海鮮，生蠔自己逐隻開，呢個價錢，呢個地方，咁嘅水準，抵啦。（大澳街市街）

歡迎光臨公仔箱論壇 (http://os.tvboxnow.com/)