公仔箱論壇 - Powered by Discuz! Board

標題: [食肆地點] 爽口籮柚無走雞 [打印本頁]

作者: nt1972 時間: 2011-7-31 09:14 AM 標題: 爽口籮柚無走雞

食雞食中雞籮柚，瘀到痹！計我話人棄我取先係明智之舉。雞籮柚油香豐滿，出奇爽口，唔會食到一口油，簡單配照燒汁串燒， Woo！已經香到隔幾條街都聞到。未食過雞籮柚，唔好話自己係食家，我話嘅！2 ^" n ~! U3 Y5 r; m- F2 \

雞籮柚爽口油潤激香
食雞唔小心食到雞籮柚，我一定先尖叫，然後立即吐番出嚟，同埋極度唔想俾人知道，情況之尷尬，一如放完屁眈天望地扮唔知，費事俾人笑到面黃，直至我見到串燒櫻桃，聞到嗰股油香，先知道以前有幾錯。

雞籮柚堪稱人間極品，油份多，但唔似豬油咁肥膩，油潤得嚟好爽口，仲要勁香，「紅廚」吳師傅：「雞籮柚，串燒就最正嘞。」做法簡單，秘製照燒汁搽勻雞籮柚，放入焗爐用 150℃慢烤一陣，埋尾用 200℃高溫烤脆表皮，雞皮超香甜，油香四溢又爽口，簡直係佐酒佳品。獨沽一味得個燒字？ No，吳師傅：「四川做法，水煮櫻桃，一樣惹味。」先此聲明，呢道菜真係 OK辣，用川椒油、川椒粒、辣椒同紹酒秘製嘅四川醬汁，麻辣過人，鍾意食辣嘅人一定大叫過癮。 Siena懶勁兼為食，一啖啪入口，只不過咬咗少少啫，就立即要大大啖飲水滅火，可想而知有幾 Hot。

雞子女仔啱食養顏女仔見到雞子通常會藐嘴，只因雞子個樣好核突，其實雞子含豐富荷爾蒙同蛋白質，既能壯陽亦有養顏功效，女仔一樣啱食。

營養高一回事，味道又點先？吳師傅：「雞子本身有腥味，要用酒辟腥，如果夠新鮮，老實講腥味唔算重。」我都係女仔，可以肯定話畀所有女仔聽，黃酒煮雞子絕對擺得入口，呢道係客家鄉土菜，用大埔客家人自己釀製嘅黃酒入饌，加入有降膽固醇功效嘅雲耳同雞蛋，「客家人習慣加蛋，特別鍾意加入雞酒，補上加補。」雞子有酒香，略甜，一啲都唔腥，軟綿綿幾好口感。

食食吓，吳師傅捧出一碟疑似炸豆腐物體，心諗豆腐咁削有乜好食呀？一試，軟腍有咬口，外皮炸得香脆。細問，原來呢道菜叫雞子鍋炸，「係舊式粵菜，雞子、雞蛋混上湯攪碎成慕絲狀，切條後再炸。」 Siena知道內含雞子，即時尖叫，不過叫還叫，最後一個人清晒成碟。另一味椒鹽雞子，一定要浸熟雞子再炸，否則會出現男人最痛的「爆蛋」下場，賣相就唔得靚仔，師傅好手勢，炸得外脆內軟，炸到個樣似椒鹽生蠔，味道居然都有啲似生蠔，好鮮，又係好味到停唔到口。( s; Y' U4 H- _ B3 X7 @% R6 P% f
0 r0 m8 z) x& M* a: l1 X
雞翼加荷椗蒸最香歌仔都有得你唱：「燒雞翼，我自細鍾意食。」香港人真係無雞翼不歡，老少咸宜。tvb now,tvbnow,bttvb) f- \' C5 c/ M! E" }
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。) Q8 b0 T3 ^& Q5 W3 W. k
只要有特別做法，普通雞翼就再不普通，就如鵝肝釀雞中翼，雞翼起骨，啖啖肉唔使你骨，矜貴法國鵝肝用酒浸過辟腥，再塗蜜糖切條釀入雞翼，雞肉嫩滑鵝肝油香十足，再淋鵝肝汁上面，普通雞翼立即升呢。
' n' l5 S! c+ s" [) s) V
講到香，一定要試荷香雞翼，用荷葉包雞翼同草菇蒸熟即成，好多人爭論應該用葉面定葉底包食材，吳師傅竟然話：「無所謂。」唔係嘛？「荷葉香氣主要靠葉椗，包埋葉椗，雞翼先有荷葉香，同埋一定要用草菇唔用冬菇，因為荷香清淡，冬菇味濃，配草菇先唔會掩蓋到荷香。」即刻試味，雞肉滑到跣入喉嚨，荷香清新， Siena食到直豎拇指。講講吓，一陣酒香飄到，原來係醉雞翼，沿用上海花雕醉浸做法，另加入酒糟汁同醬油，味道比普通醉雞翼更有層次，唔會煮到雞還雞，酒還酒。

a.紅廚
地址：元朗錦田祠堂村紅磚屋

鏡頭一轉，嚟到主打串燒嘅「鳥信」，日本人認為串燒係日本飲食文化一種，對炭好執着，一般炭唔用，要用貴價日本和歌山備長炭， 10kg賣千幾蚊，可以保持到 1,800℃高溫，唔會着火，可以靠煙熏烤出肉香，健康得多。0 B+ f' `7 t2 L" K3 d/ T3 e
tvb now,tvbnow,bttvb6 H3 }' Y$ _7 w5 E, M
有乜刁鑽位好食？推介串燒雞髀筋，何謂雞髀筋？即雞髀相連雞背脊嗰條筋，每隻雞只得兩條咁大把，所以每日限量供應，賣完就無，師傅話：「切出雞髀筋連埋附近嘅嫩肉做串燒，貪呢個位運動量小，肉質特別嫩滑，雞髀筋又夠煙韌，一串串燒可以嘆齊雙重口感，加上陣陣炭香非常惹味。」計我話，左手一串串燒右手一杯 Sake，咁就真係正到痹嘞。食完串燒，喫多個雞髀筋治部煮，用木魚汁煮野菜、茄子等時菜，的的骰骰一口一件，雞肉非常嫩滑，又係要讚。

雞皮脆卜卜微焦最正有人鍾意食雞皮，有人耍手擰頭，只因雞皮油份高，唔係個個女仔都敢食，不過如果燒得香脆，又真好難抵抗，都係嗰句啦，唔肥又點減肥呢？食咗再算啦。0 G/ B* E, Q5 I

先試燒雞皮，香得嚟有少少微焦，本身已經好正，如果嫌齋得滯可以點柚子胡椒醬，鹹鹹哋又辣辣哋，雞皮味道即時提升，真係要畀一百分呢個醬汁，原來特登喺日本訂返香港，「鳥信」獨家呀！再試雞皮柑橘豉油，有海草、青瓜伴住燒香雞皮，配日本醋同豉油，上加蘿蔔茸，入口有股蘿蔔香，估唔到連雞皮都可以做到咁清新效果，抵讚！數最有新意，非雞皮蘆笋卷芝士燒莫屬，用雞皮包住日本蘆笋，上放芝士一齊燒，嘩，脆卜卜雞皮加爽口蘆笋，再配燒到香噴噴嘅芝士，口感真係一流，好食到要打個冷震。公仔箱論壇4 l# e" [( j; h9 ?$ R7 y
公仔箱論壇" B" C% O) Z& O
b.鳥信tvb now,tvbnow,bttvb9 _2 E% S8 v. W% o# x
地址：銅鑼灣恩平道亨利中心+ f# ^9 |4 M! Q2 y* [0 `( W

歡迎光臨公仔箱論壇 (http://os.tvboxnow.com/)