目前NIKE每年為曼聯提供2,350萬鎊贊助費，利物浦同美國嘅全球最大曲棍球裝備製造商Warrior Sports簽約後，刷新英超球衣贊助費新紀錄。目前紅軍波衫每年勁賣90萬件，僅次於曼聯、皇馬同巴塞，新贊助由2012/13年球季開始，嚟緊唔怕冇錢使。

據講杜格利殊希望收購前鋒、翼鋒、中堅同左閘，為免做水魚買貴貨，佢拒絕透露目標人物：「最近我哋啲年輕球員踢得唔錯，但咁唔代表唔使買人。」另外，杜格利殊表明會收番外借到祖雲達斯嘅阿古蘭尼，希望佢喺晏菲路踢出身價波。