公仔箱論壇 - Powered by Discuz! Board

標題: 屯院又爆逃亡潮　公共醫療凍過水 [打印本頁]

作者: aa00 時間: 2011-2-21 01:25 PM 標題: 屯院又爆逃亡潮　公共醫療凍過水

走得快，好世界。估唔到公立醫院醫護逃亡潮好似流感病毒咁，蔓延速度快到冇人信，而且殺傷力愈來愈勁。新界西醫院聯網內科啱啱成為醫生流失重災區，跟手輪到放射科失陷。

屯門醫院放射科不斷有醫生劈炮，院方承認，放射科目前有四個空缺，佔整體人手近一成半。有醫生仲讀緊進修課程，已經畀私家醫院「挖角」；有私院甚至用高幾萬蚊嘅薪酬「撬」走公院醫生。tvb now,tvbnow,bttvb. O+ R7 t( j  p' J# r
人望高處走，水往低處流，銀彈攻勢冇得擋，不斷有醫生下堂求去。十個茶壺得番六個蓋，後果就係現職員工做到氣都咳，而愈辛苦愈多人唔撈，病人輪候時間就愈長，形成咗惡性循環，咁嘅環境，醫療服務質素點會好吖。; s5 g' s+ D% x( Z1 G! d" V: p# B6 d
有放射科專家建議醫管局擢升員工、改善工作環境同醫生待遇、增加受訓醫生名額，改善人手流失情況。專家建議係一回事，醫療衞生當局接唔接受、改唔改善又係另一回事。
查實屯門醫院唔係第一次發生醫護逃亡嘅嘞，該院早排被踢爆一年內竟然有四分之一內科醫生唔撈。前線醫生批評醫管局高層過去幾年缺乏人力資源分配嘅視野及計劃，內科醫生做咗十幾廿年都冇升職機會，加上醫生五天工作制仲未喺內科實施，前線醫生意興闌珊。
醫生流失嚴重嘅問題，公立醫院普遍存在，但當局卻關人個關，唔諗辦法「止血」，令「傷勢」更加嚴重。人手短缺，醫生「直落通宵」係家常便飯。早排伊利沙伯醫院骨科一位女實習醫生，連續工作三十個鐘，休息一晚第二朝再直踩通宵更，卒之不支暈倒，仲一度危殆添。醫生捱到差啲冇命，唔走至奇啦！os.tvboxnow.com7 ?0 w  l  c* e) I: i2 m6 l
人手問題惡性循環，公共醫療隨時癱瘓，但主管醫療衞生嘅食物及衞生局局長周一嶽居然仲輕描淡寫。佢尋日承認屯門醫院內科醫生流失嚴重，同晉升機會比其他部門低有關，但又話私院招聘公院醫生係「常事」，對內科醫生需求並唔係最高，流失最多嘅係婦產科同放射科。tvb now,tvbnow,bttvb/ a$ R! ^. n0 @8 g0 \3 i
周一鑊講醫生流失好似唸口簧咁，毫無危機感，簡直不知所謂。近年公立醫院醫護逃亡潮一浪接一浪，醫生爭相劈炮，護士亦唔執輸，舊年公院護士走咗近千人，流失率飆升至百分之五點一，創出五年新高。
弊在醫護大逃亡止血無期，醫管局文件披露，未來醫護整體流失率將持續上升，每年醫科畢業生人數根本無法填呢個「大窿」，預計五年後累積短缺醫生人數超過二百人。如果當局唔正視問題嚴重性，本港公共醫療遲早玩完。tvb now,tvbnow,bttvb9 j4 @6 v) ~( D7 t
最離譜嘅係，公共醫療系統已經病入膏肓，港府唔增加資源解決問題，反而好大喜功，將醫療列入「六大產業」之一，引爆私院「挖角」潮，令醫護大逃亡一發不可收拾。結果醫護人手買少見少，工作壓力愈來愈重，出錯機會愈來愈高，醫療事故層出不窮。tvb now,tvbnow,bttvb: Q  n& z) v( ~$ U  g% [
一手摧毀香港公共醫療嘅始作俑者，竟然係醫療衞生高官自己，唔止諷刺，直頭係可悲。計功夫茶話齋，要幫公立醫院止血，最緊要先清咗周一鑊呢啲瘀血，以絕後患。
9 R" [7 D' ^+ O4 ?8 u" ~

作者: aa00 時間: 2011-2-24 04:07 PM

屯門醫院慘無人道一則，有女醫生寧願放棄快將獲取的專科資格離職，以免平日已超時工作周末又輪班的超負荷，影響自己及腹中孩子的健康；。「為咗 BB着想我一定要離開，但其實我係喊住咁走」。畢業至今任職屯門醫院五年的黃醫生，將於今年 4月離職，但她並無在私家市場找到高薪厚職，離開只為腹中五個月大的孩子着想，「試過打番屋企同老公喊，瞓覺又會發噩夢」。黃現於老人科工作，只需再多約一年便可獲專科資格，但超負荷的工作量卻叫她寧願放棄專科資格離開。她舉例，於屯門醫院晚上當更，兩名內科醫生要照顧八間病房，在博愛醫院更要一名內科醫生負責四至五間病房，即一個醫生對 200名病人，除了平日超時工作外，「每個月兩個周末要當更，或者下晝 5點放工，夜晚 9點就要再當值到第二日下晝 1點」。

唉！大住個肚都做到咁，怪之得有醫生做到喊，直斥管理層是「妖孽」。

tvb now,tvbnow,bttvb& j v2 |# V2 s ?

歡迎光臨公仔箱論壇 (http://os.tvboxnow.com/)