本帖最後由 xavierlmk 於 2012-10-7 12:31 AM 編輯
講起外國馬,有友人曾譏諷我:
香港馬你都未賭得掂,學人隔山買牛,買外國馬!?
係,我承認咁樣係隔山買牛.但我通常會串番佢:
你以為你賭香港馬唔係隔山買牛咩?你咪一樣隔住個獅子山!!
以上笑話一則想表達既係,其實你對任何事都好,如果並沒有深切既認識,其實一樣會
這麼近,那麼遠. 同實際距離其實係無任何關係.
相比起香港馬,我更喜歡買外國馬,因為唔洗諗咁多,起碼底唔底出E個層面上諗少樣.
我投注可能同一般兄弟唔同,我一個賽馬日通常只會買一場起兩場止既,亦唔會個個賽馬日因為我買一匹馬
之前通常會分析佢背後,如出場既動機,有無路要讓,步速形勢,頭段際遇等等..
所以得果幾日時間點刨到咁多馬?當然千算萬算亦可以算錯,唔計亂買亦可以中,正所謂盲拳打死老師父,
但本來賽馬已包含很大程度上要運氣既地方(如匹馬陣上際遇,騎師當日發揮等等),
在揀馬方面我不喜歡純賭運,如果純賭運既話我去澳門買鋪大細唔好?
所以我通常會集中注碼買一場而很少去進很過關,揀一隻有信心既馬再靠上,下射博爆冷,比起亂揀一隻冷馬更實際.
不過這種買法當然有其壞處,好似今日咁輸到我好金,基於驃叔名言
PLACE 唔係比我地賭!
咁又係既,PLACE我地買得幾多?1萬?2萬?10萬?所以我通常只會買WIN..上下射...結果今日得盛跑第二.......
好,廢UP完,係時候講下馬仔,天下第一大幫會,香港賽馬會,驚我地星期日悶,無野做會上街暴動,
特登越洋轉播法國隆尚教堂六場比賽比我地過下日晨.一如既往,除左日本,澳洲既越洋轉播我係唔會睇只外
一年一度既馬壇大賽日我緊係會留意.
今晚我想講野係法國隆尚教堂 第四場尚盧利加迪大賽同埋睇下聽日有無時間出埋法國凱旋門大賽,不過係講之前有樣野想講係,
買外國馬有一樣必須要留意既地方就係:
主場,亦即係當地馬,因為一隻馬作客(唔好話馬,人都係啦),必然跑低幾線,坐擁主場既馬匹往往需要睇高一線.
但係今場我要推介既馬並不是主隊馬,而是外隊馬,
來自英國既 1. 奧運光輝
如果大家有留意開越洋轉播賽事,相信並未忘記今年六日英國雅士谷既賽事(即小橋流水揚威皇席錦標果日),
當日奧運光輝以半冷(29倍)身份力拚敗於大超班馬 黎明路向不足一個馬位,(而且亦塞足全程,一望空即以強勁衝刺既乎過埋一直頂住佢既黎明路向)
並且力壓一眾如愛爾蘭村,藝術名匠等佳駟,於網上所得片段,奧運光輝在法國狀態不伺俗,相信仍可保持水準,而且亦早於8月份獲得右轉比賽經驗,
而具力強橫變速能力既1. 奧運光輝 我相信在是次賽事具備爭標實力.
P.S. 我再一次,亦最後一次提提各位兄弟,我所發的POST純粹是個人的觀解,並不構成任何投注貼士提供,每次出貼只是希望拋磚引玉,共勉之!! |
發表於 2012-10-7 12:28 AM
| 
