標題:
[時事討論]
民望再插水 起錨即反艇
[打印本頁]
作者:
jjwah
時間:
2010-6-1 06:27 PM
標題:
民望再插水 起錨即反艇
起錨定拋錨？開船定沉船？近日人氣最勁嘅潮語一定係起錨，事關曾蔭權帶隊落區做政改推銷員，擘大喉嚨係咁嗌起錨。
7 [3 Q5 i; ~* ~5 ]* ^公仔箱論壇
可惜吖，曾家班毫無隊形可言，阿頭嗌完一句，成班高官茄喱啡七零八落嗌到亂晒大龍，嘴形唔夾之餘仲要嬉皮笑臉。學周星馳話齋，臨時演員都係演員，路人甲乙丙丁做到冇厘誠意，連起哄都唔識，點起錨呀！
公仔箱論壇5 j6 D. C9 l2 S9 Z. |
唉，橫睇掂睇，都係拋錨嘅機會遠遠大過起錨，唔信？不妨參考一項數據，曾蔭權民望繼續插水。
( q; U5 D. u: j; j' E% r7 C
中大亞太研究所上星期做過民意調查，市民畀煲呔曾嘅評分係四十九點八分，比四月下跌零點八分，創咗上任以來新低，亦係第一次跌穿合格線。超過三成三受訪者不滿特區政府表現，較四月上升四點七個百分點，表示滿意嘅只有不足兩成。不滿多過滿意，你話嘞，死火唔死火？
os.tvboxnow.com! r1 ~6 @" _# J! i7 T" {( [
至於講到信任程度咯喎，一樣弊傢伙。百分之二十六點三表示不信任特區政府，較年初上升零點九個百分點；如果同一年前比較，不信任嘅比率增加六點七個百分點。
公仔箱論壇3 @+ M( q% N7 b3 v. @" u
對中央政府嘅信任程度又點呢？答案係百分之三十六點三，上升兩個百分點。換言之，此消彼長，香港同胞信北大人多過信當奴鴨。
7 S* g/ ~# T! z" ~tvb now,tvbnow,bttvb
功夫茶提提大家，呢一項民意調查係曾蔭權率眾大嗌起錨之前做嘅。咁即係點？咁即係話民望低處未算低，評分勢必跌完再跌，鬼叫你硬銷政改方案劣評如潮咩！
# l: T/ ?- I" a4 O: r8 T" Q
的而且確，劣評如潮，撇開傻更更嘅起錨論唔講住，其實成件事由始至終一塌糊塗。大家有冇睇過政府宣傳片「阿媽整裙」？香港人十居其九唔知佢想點，阿媽幫阿女整咗條裙出嚟之後，失驚無神噏一句「請支持二○一二政改方案」，九唔搭八到呢，Ｏ晒嘴，冇嘢講。
$ }5 A% F- @$ v0 B/ K
好嘞，投票率低到無倫嘅所謂五區公投已經夠騎呢，政客賴皮死撐唔認輸又夠眼冤，曾蔭權唔知黐咗邊條筋，居然單挑玩嘢政客嘅發言人余若薇進行政改辯論，變相承認鬧劇唔係鬧劇。一場騎呢遇着黐筋嘅孤男寡女閉門辯論，一次過激嬲全世界，泛民派話你搞分化，建制派話你大細超，簡直豬八戒照鏡，裏外不是人。
( T0 B; k: G+ h- Z% L) a! pos.tvboxnow.com
即係咁，硬銷政改方案冇一次做得好好睇睇，撞板撞到口腫面腫，煲呔曾諗住盡地一煲，走入群眾派傳單拉票啦，捋高衫袖扮下船長嗌幾句起錨口號，哈，點知咁又捉蟲。既然嗌起錨，人哋就會問，路線圖呢？終點站呢？隻船到底駛去邊呀，船長？今次輪到船長Ｏ晒嘴，
哦哦支吾以對。
( a6 [' C4 r' ?: p: e' S1 r7 @公仔箱論壇
計功夫茶話齋，起錨唔係話唔得，不過最緊要記住兩句老生常談，水能載舟，亦能覆舟。曾蔭權家陣民望低成咁，不信任以及不滿特區政府嘅比率又高成咁，起錨之後最有可能發生嘅事情係，反艇！
os.tvboxnow.com/ C8 y8 z" L9 M% n; K
7 i. M. g2 l0 x, J* Q$ j
本文連結 :
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。' ?2 ~; H9 j2 a
http://orientaldaily.on.cc/cnt/news/20100601/00190_001.html
/ @$ ~5 [( F8 MTVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。
歡迎光臨 公仔箱論壇 (http://os.tvboxnow.com/)
Powered by Discuz! 7.0.0
哦哦支吾以對。