公仔箱論壇 - Powered by Discuz! Board

標題: 傳媒主持正義　賤男淫有惡報 [打印本頁]

作者: katspi 時間: 2010-1-24 09:21 AM 標題: 傳媒主持正義　賤男淫有惡報

天網恢恢，疏而不漏。肆虐觀塘街頭多年、令女士聞之色變嘅「撞胸賤男」前日被法庭重判入獄六個月。淫有惡報，人心大快，呢啲咪叫天有眼囉。
案情顯示，賤男用「撞胸」、「批」等手法博懵非禮女途人多年，而且不斷重犯，令區內女性防不勝防，擔驚受怕，「連出街都有危險」。裁判官亦忍唔住怒斥賤男「無恥、下流、卑劣」，指佢犯案唔係一時衝動，而係早有預謀。
5 ^: y6 T) Q9 a; w( l4 u
賤男受到法律制裁，罪有應得。主動舉報賤男惡行嘅市民，同挺身而出指證被告嘅受害人，當然功不可沒。而本報記者秉承主持正義嘅宗旨同鍥而不捨嘅專業精神，進行跟蹤追擊式報道，並透過新聞同相片將「撞胸賤男」嘅醜行公諸於眾，令警方嘅調查有突破性進展，更加要記上一功。os.tvboxnow.com8 _$ R9 k' |, v' V# x$ ]4 l1 `, u

話時話吖，如果唔係本報記者窮追猛打，透過連續報道引起社會各界關注，賤男可能到依家仲逍遙法外，繼續博懵。嗱，其中一名受害人Ｘ小姐前年先後三次被賤男非禮，最後一次更報埋警添，但警方一直冇辦法將案犯繩之以法。直至本報舊年十一月一日報道「撞胸賤男」嘅惡行，警方先至重視，並且迅速將被告緝捕歸案，你話效率幾高吖。
os.tvboxnow.com2 r* L7 T) f) X6 M) f
所以話，今時今日絕對唔可以缺少傳媒嘅監察，尤其係正義傳媒可以充當「第四權」角色，效率仲高過其他「三權」o架！

講番賤男嗰筆，佢犯案至少四年，受害人有ＯＬ上班族、普通師奶，連啱啱發育嘅學生妹佢都唔放過，甚至八個月內喺同一地點三度非禮同一受害人。犯案地點由路面去到港鐵站，只要係人流密集嘅地方就搵機會落手，正如裁判官話齋，性質比喺公共交通工具上非禮更嚴重。
' R" ^+ B" i' Q" P
本報記者曾經見到，呢個賤男喺一個鐘頭內涉嫌非禮咗三十名女子，簡直當法律冇到，仲狼過華秀隻狗。有犯罪學家話，女士通常因為「怕尷尬」，或者以為對方係「無心之失」而唔報警，咁做反而會令賤男更加肆無忌憚，每次「博懵」成功，又心思思諗住博下次。唔怪得佢犯案咁多年，報警嘅人卻少之又少。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。2 ~+ |! u2 S' S) m% E
其實，遇到非禮絕對唔可以啞忍，一定要第一時間舉報，家陣連小朋友都識學多多同寶寶龍咁，要主動保護自己，畀人侵犯，要識即刻Say NO，仲要高聲呼救啦。啞忍姑息只會令色魔食過翻尋味，令更多人受害。tvb now,tvbnow,bttvb! _) z. K, d9 l5 }8 Y

同樣道理，對色情資訊嘅氾濫如果唔及時制止，迎頭痛擊，淫媒必定愈來愈猖獗，社會必定愈來愈烏煙瘴氣，亦必定有更多青少年受荼毒。
蒼天有眼，淫有惡報。只要市民唔再啞忍，無論賤男定淫媒，逃得過今日逃唔過明日，呢啲就叫做多行不義必自斃嘞！

歡迎光臨公仔箱論壇 (http://os.tvboxnow.com/)