公仔箱論壇 - Powered by Discuz! Board

標題: 九龍城寨鬼話 [打印本頁]

作者: cheang1986 時間: 2009-5-15 09:33 AM 標題: 九龍城寨鬼話

九龍城寨鬼話 tvb now,tvbnow,bttvb' g% c5 J' H5 R; X ^4 m

唔知大家記唔記得以前電台每一個星期六都有鬼故播? (12點至2點) 有一次係個退休警員打上去講佢的真人真事,話有人報警係九龍城寨有個單位發出惡臭，叫佢同另一位同事上去查下，上到去門口，發現真係好臭，咁就先拍門睇下點喇。點之有個細路女開門，咁就問個細路女爸爸媽媽係邊，個女仔答話媽媽係房訓覺，咁就入去睇下，真係發現到佢媽媽已經死左好多日。當佢地諗住帶走個女仔同CALL人來處理屍體果時，個女仔話媽媽剛剛煮左晚飯比佢食，要食完先出得街，佢地先至留意到桌上有2碟餸同剛剛煮好左的飯，而且突然有陣陰風吹入來咁，咁就對個條女屍講:「放心，我地會睇住你個女」咁先至暖返的。 p.s : 個女仔都係得5-6歲,唔會識去煮飯, 爸爸很早就不在果時的有人話個差人老作，如果細路女自己咁多日留係屋企，得晚飯食,咁早上, 午餐唔食野都餓趴佢。為此，我可以做證，這件事係真的。因為當年我是住在那一戶人的對面，我常常都在窗口望過去對面露台，我記得有幾天我見到個女仔係露台食餅乾，咁我就問佢做咩咁慘，沒飯食咩，佢同我講媽咪成日都訓覺，只有夜晚先煮飯比佢食，我都有叫佢一齊出去玩嫁，不過佢話媽咪唔比佢出去。之後聽講個女仔去左竹園邊的孤兒園之類，清拆九龍城寨的政府補償金就比佢做左學費基金。

歡迎光臨公仔箱論壇 (http://os.tvboxnow.com/)