公仔箱論壇 - Powered by Discuz! Board

標題: 買樓包離婚西班牙地產速銷新招 [打印本頁]

作者: katspi 時間: 2009-4-27 10:17 PM 標題: 買樓包離婚西班牙地產速銷新招

tvb now,tvbnow,bttvb' p, \+ _ K. s, I* V9 y0 ?( F
西班牙嘅離婚率相當高，每年都有超過十萬對夫婦離婚，雖然近排該地人士離婚嘅意欲有所下降，但原因並非啲夫婦感情好咗，而係喺經濟困境下大家都唔敢貿然離婚咋。依家世界各地面臨金融海嘯，房地產銷情惡劣，於是乎喺西班牙嘅地產商決定一於好少理，只要你肯幫我買樓，我幫你離婚又點話呢？

9 }' G9 Y/ T- }& A* n- e4 U# c l3 |
據西班牙嘅媒體報道，為咗改善銷情，房地產商Geimsa宣布只要客戶幫佢哋買樓，佢哋就會協助處理離婚事宜，仲會為客戶出錢請埋律師添。由於西班牙辦離婚嘅費用相當高昂，而只要你買嗰棟樓嘅售價高於8.84萬美元就可以享用依啲服務，所以確實能夠令一啲準備離婚，而其中一方打算買新樓嘅夫婦考慮一下依個「超值」嘅套餐。

不過，依個「買樓送離婚」亦只係依間噱頭多多嘅公司其中一個促銷手法，其實「買樓送婚禮」先至係佢哋嘅主打──顧客如果幫襯佢哋買一間價值13萬美元嘅樓，就會免費送番個婚禮嚟祝賀。雖然「附贈」嘅婚禮服務都唔會「豪」得去邊，但係經濟困境下都有好多人受落，依家已經有十對準新人因為依招而同Geimsa簽訂合同買樓。

歡迎光臨公仔箱論壇 (http://os.tvboxnow.com/)