公仔箱論壇 - Powered by Discuz! Board

標題: [心得分享] 花鱸篇 [打印本頁]

作者: ericsuen1 時間: 2009-4-24 09:15 PM 標題: 花鱸篇

今次要討論另一魚種：好似易釣，其實並不易釣、不過瞭解其食餌動作後就會非常易中兼得心應手。就係一年一度冬天西水釣鱸魚；鱸分青鱸與花鱸、故出沒地點亦各有不同：青鱸經常出沒於東海及南部外海一帶鹹度高及深水處，而花鱸則生存於混濁不清之鹹淡水交匯處。相信很多釣友都心諗這類大型魚體型大夾口大，成條石狗公咁樣容乜易釣丫！其實剛剛相反，花鱸食餌動作與其體形完全唔佩合，講就餌啖定兼瀟灑、斯文，相信沒有其他魚種可以比擬。
花鱸屬鹹淡水大型迴游魚種，小則兩三斤大則廿餘斤。源於江河適合生存鹹度較低之海域；冬季南下避寒及繁殖產卵，比較活躍地點如青龍頭一帶、爛角咀、汲水門、新機場、大澳等西水，亦會游至南丫及維多利亞內港。活動範圍甚廣，包括山邊、岸邊、棑口、燈塔、人工石駁、船廠及碼頭樁躉柱躉；一般喜歡比較淺水及慢流的水域。選擇餌食程度更是魚中表表者，一般釣餌如：紅蟲、肉、螺肉、沙等簡直無法得佢既〔歡心〕，因體型大及口大的魚有不願吃小餌的習慣和傾向，非用到生猛游水大或大型魚餌不可。不過一般〔土鱸 ‥指在本港出生長大緊既十餘兩重鱸孫〕就冇咁揀擇餌食。

[size=-1]西貢艇釣釣點 - 長咀

艇釣一般釣法用企頭絲佩勾頭大：即以15~25磅粗絲佩3-4號擰鉈鉛帶數尺〔帶腳〕，勾用02-03大型勾；勾大要勾〔假口〕‥即頭第一對爬行足對入凹入位置。因帶腳長，生能夠以擰鉈鉛為半徑中心自由游動，如果勾勾得靚、大可以生存數拾分鐘起碼，頗為引魚。船停垂直隋隋下絲試地，擰鉈到底再拉高適當距離魚絲，靜心等待魚訊。鱸魚啖定且輕微就餌動作簡直與體型成反比，手感發覺隻已被〔擔〕住，因未有被大力咬或吞餌時下沉的動作，心諗呢次你仲唔中計等你吞入d就郁你〔因為隻生係勾頭而有五、六寸長，冇可能一覺得被咬就大力揪絲架，容乜易吞唔到勾又嚇走條魚〕，聚精會神等待雷霆一戮、怎料…得個等字，久久都唔發覺有力的一沉或一吞等其他動作，稍後連被〔擔〕既手感都冇埋，心知不妙，收起魚絲觀察生狀態，只見完整無缺，活像未被咬過一般〔用一般圍作餌釣雜魚，被魚隻咬過或啄過一定會斷齊頭或尾、又或者身有一個個窿位〕。不過隻大已死及發覺頭或頸處有瘀傷，像被鐵鉗鉗過般留下一烙印。簡直摸不著頭腦；連續幾個魚訊都遇到相同情況，淨係知道隻被魚〔擔〕過又唔吞餌、可能真係未交足學費，仲要多多磨練。但見艇家手起手落勁扯，撈箕幫手畢魚就有份，自己釣就冇份…直至艇家講左句：〔你咁樣等法，條魚真係多謝曬你啦﹗〕。

[size=-1]西貢艇釣釣點 - 黃石排頂

一言驚醒夢中人，跟著不久再遇到魚訊；亦是首先發覺大被微微力〔擔〕，輕手略為拉起少少絲印證是掛石定魚擔〔其實試地準己經肯定係魚無疑，因勾已離底而有相當重量仲有少少振下振下〕稍為忍手等三兩秒及發覺隻被〔啜住〕。猛然一擊就中了生平第一條成十多斤重既大鱸，簡直把我嚇了一跳，原來大魚沉雄有勁的拉力活像一舊會走動既石頭，經過一輪收放絲後，終歸都完成使命。鱸魚食餌習慣滋油啖定，動作緩慢細膩，喜歡動態的餌食，對靜態食物不感興趣。浮在水中發現活餌游動，被餌食引誘開口…將餌銜入口中…試餌、檢查餌食… 遲遲不下嚥直至活餌虛弱為止…更要待一會才吞食；遇到懷疑又會吐出等，又甚少像其他魚類有大力咬噬、扯絲、迅速吞食或沉等較大動作。諗諗下其實個道理很簡單，鱸魚個口裂咁深仲後過隻眼位，張大過巨口咪成隻獅子開口咁既，幾乎成隻糯米雞都吞得落；通常咀大的魚可一口氣把餌食吞入，所以當手感發覺隻被〔銜〕住時，根本整隻大已totally 入曬口裏，稍為等一等兼confirm 一下再大力揪絲，豈會唔中丫？話雖如此，亦有一點要留意、千祈唔好 hup眼，分分鐘要留意條絲既狀況，因為數尺長〔帶腳〕在水中飄來飄去，有時呈現弧狀；有彎位而鱸魚浮在水中〔銜〕餌、又有大粒擰鉈定住，有時不知不覺間已被偷襲。雖則鱸魚食餌瀟灑淡定，間中亦有少數食法頗為〔正路〕：曾經遇過一條重十斤餓鱸吞餌大力一沉，登時整隻手足足被拉低半尺，在條件反射下，本能地猛力向上勁揪，怎料魚絲位置〔界〕正爆皮之裂口，劇痛之餘即棄絲罷戰，稍回氣扯絲，發覺魚還在。相信〔手指爆皮〕都算係釣鱸魚既獎品，果日如果好運個人扯得大鱸六七條以上，隻食糊手指想唔爆皮都幾稀矣﹗以今時今日既釣況，香港仲邊鬼道有咁多鱸扯到爆皮呀，我都想知呀﹗不過可以介紹一個絕佳釣點…赤灣、可以消一消鱸氣，果處當造季節撞正流，很多時一艇可有十多條上水亦試過幾次個人中六七條大鱸。
鱸魚除喜歡活躍於河口、山邊、防波堤、人工石駁等；亦喜歡聚於船廠、碼頭椿躉與樁柱間，有時沉底有時浮於水面上層游戈追捕獵物，於起流時段以極輕鉛粒用釣浮面法；順水流將魚勾帶入碼頭底暗位或椿柱間隱蔽既內凹位作釣，往往有意想不到收穫。

[size=-1]西貢艇釣釣點 - 橫州

釣鱸魚揀死流日子較佳，至於最佳搏魚時間就肯定係起流剎那，其次是黎明、清晨太陽未出齊前；日光日白中午時分都可謂大局已定，差不多可以收工咁滯。稍後接近黃昏陽光減弱時亦有多少魚訊，當造期為每年聖誕節前後兩星期左右，一直到農曆新年；及後漸漸開始疏口。但農曆新年後所撞到既〔回頭鱸〕普遍係大型居多。值得留意既事項：〔試地準、勾要靚〕已經成功了一半、其餘就關乎釣點基本上有冇鱸出沒，及經常試地因海床是起伏不平的。仲有不論花鱸、青鱸、頭鱸、乜鱸、物鱸…有一種鱸最唔好就係火水鱸；其實入得維多利亞內港既鱸己經多數係火水鱸，其次經常聚於碼頭船廠或靠近民居亦然。憑表面根本不能分辨出來，熟後發覺就大煞風景兼後悔莫及，唯一辦法就預先從魚尾切一小塊肉試味，勝過白費心機兼做餐死，呢點就要醒d啦！

[size=-1]孖州十五斤花鱸

雖則釣鱸季節天寒地凍兼魚訊極疏口，但鱸乃龐然大物由兩三斤魚仔至十多廿斤不等，上得水既細曬都有限，很多都有六七斤至十斤，一年一度值得一試。有一心得…就係不必像釣其他大魚般需要等到大力拉絲動作才戳；除非食餌果條係兩斤或以下鱸仔鱸孫，否則一經發覺〔擔餌〕、稍為忍手片刻及印證ok 即可大力揪絲，中率相當高。其實忍手都唔知要等幾耐，況且鱸未必會吞大添……曾經留心觀察多次，刻意耐心等待有力拉絲既動作，不過絕大多數…‥冇左下文！！仲有在魚時解剖胃裏殘餘食物，發覺大多數是魚肉；例如石狗公或班類胃裏一定有未經消化的仔、蟹仔、魚仔等，又科多數有少量碎甲殼連砂石殘駭。由此觀之生未必係大花鱸既〔至愛〕，活魚才是大型肉食性魚類真正食糧。與此同時，正是東水赤紅班對西水花鱸，蒲台螺洲又見青鱸白出水，可謂各自各精彩﹗﹗釣友們、係時候擰齊大傢伙去搏殺啦!
最後補充今年鱸季釣況，唔知應該講係好定壞；因為好既方面係數量多，大大減少〔白恰〕機會、不過體型就……平均細得多。上得水既以三兩斤既鱸仔居多，相對過往大部分六七斤或以上就差勁得很了。仲有一現象就係十斤或以上大鱸少而十兩半斤鱸孫就蒲曬頭。用餌方面就要自己衡量啦；大海雖然生命力強夾比較吸引大野，但價錢昂貴同時遇到兩三斤或以下鱸仔食餌就比較難以中魚，其實size 以街市大箕圍已差不多了。

作者: warkiller 時間: 2009-10-18 08:36 PM

thankssssss

作者: ckd08 時間: 2011-2-9 04:50 AM

Thanks for sharing !

歡迎光臨公仔箱論壇 (http://os.tvboxnow.com/)