公仔箱論壇 - Powered by Discuz! Board

標題: [主機板] 電腦上的問題 [打印本頁]

作者: climaxhk 時間: 2019-12-8 10:01 AM 標題: 電腦上的問題

各位電腦達人，大家好！小弟有個電腦上的問題想請教大家的，希望大家可幫忙，早日解決小弟的問題，在此先多謝各位先！Thanks a lot !
問題是這樣的：因小弟較早前要出趟較長的遠門，故此將電腦的電源開關關了，但當回來後，開番電源後，就無法著回電腦，小弟已再三檢查所有的電源線及內部的接駁線是接駁好的，都沒有問題的，而且觀察倒電腦是有電到的 (因見到面板燈及電腦底板的燈泡是著的)，而電腦底板及火牛都沒有燒倒的跡象，所以都不知何故無法著回電腦呀！令小弟十分之苦惱呀！ [>.<]

在此希望各位電腦達人能幫小弟找出問題所在，解決到此問題，早日能將小弟的電腦重見天日，小弟無言感激！

等待大家的佳音！Thanks ! ^^

作者: hin5509 時間: 2019-12-8 05:54 PM

無法著回是按power制完全反應??可否詳細d??建議可先試下最基本不接電源再取下底板電池十多秒再裝翻,如果電池好耐無换最好换埋佢,順便拆埋d ram抹下d金手指再裝翻。

作者: climaxhk 時間: 2019-12-9 09:07 AM

無法著回是按power制完全反應??可否詳細d??建議可先試下最基本不接電源再取下底板電池十多秒再裝翻,如果電池好耐無换最好换埋佢,順便拆埋d ram抹下d金手指再裝翻。 ...
hin5509 發表於 2019-12-8 05:54 PM

是的！是所有電源及內部接駁線都已連接好，在有電源的情況下，按了Power制，都完全沒有反應，不能起動部電腦呀！

而您的見議，我會嘗試下的，Anyway，多謝您的幫忙！Thanks a lot！但如您有新的想法，希望您都可再話我知！待我都可找出問題的所在，Thanks ! ^^

作者: hin5509 時間: 2019-12-9 11:38 PM

如果試了建議後按power制都係完全無反應,因你話底板有燈著,先排除是火牛同底板問题,先測試一下power制是否有問题,可把底板插power制果兩針直接短路,或張reset線插插去power果兩針度按reset制睇下能否著機,如果都係無反應的話就係火牛或底板壞。

作者: climaxhk 時間: 2019-12-10 09:56 AM

本帖最後由 climaxhk 於 2019-12-10 10:52 AM 編輯

4# hin5509
多謝Hin師兄的寶貴見議呀！我都已嘗試了您第一個的方案，好似都Work呀！起了粒底板電池再裝回，電腦有反應，但就起動唔倒呀！相信如您所料，底板粒電已沒有電，我會去買粒電更換再嘗試，希望真的只是底板的電池更換問題啦！可早日解決此問題！Anyway，真的好感激您的幫忙，Thanks a lot !

但都想問一問呀！起動電腦都要靠這粒電池呀？不是有電源就可以起動咩！？因我一直以來，都是以為粒電池只是用在底板的日期時間及BIOS方面呀！沒有想到要用此電池來起動電腦呀！是否ASUS底板在電池沒有電的情況下，會有開不到機的問題呢？因以我有限的電腦知識，通常應可照常開機，但只是會還原所有設定呀！

再一次的無言感激！！！！！！！！

^^

作者: cykwok 時間: 2019-12-10 10:48 PM

主板電池沒電,只是關機后不能保存 BIOS 設定, 每次重開機都需重新設定一次.

作者: hin5509 時間: 2019-12-10 10:52 PM

電池關唔關起動事我没深究,因為我不是専業人仕,我都只係經常遇到d電腦問题都是自己研究去解决,搞得多經驗多而已,最常遇到都係開唔到機,開機無畫面依d事,通常都係拆電池reset bios,拆ram清潔一下,重插一下d綫就正常翻,也可以講係最基本做法!

作者: climaxhk 時間: 2019-12-14 04:45 PM

7# hin5509
Hin師兄，問題已經解決了，換咗粒電真的有了反應，著倒部電腦呀！不過剛換完電後，只可起動三秒左右就自行關機，直到今日再嘗試，就能原全起動，順利進入 Windows 系統呀！起初都打定輸數，要破財換機，現在總算成功解決問題！
在此再一次多謝Hin師兄的仗義幫忙，Thanks a lot ! ^^

歡迎光臨公仔箱論壇 (http://os.tvboxnow.com/)