雖然利加大學呢隊波向來都係靠主場搵食，但係自從踢到淘汰賽階段，佢就好似連主場威力都冇埋，八強和聖羅倫素同準決賽和CF阿美利加，加上分組賽時狀態唔錯佢對富明尼斯都贏唔到，今次再碰頭唔似有咩贏波本錢。
另邊廂富明尼斯近年水頭充足，大灑金錢招兵買馬，甚至有巴甲車路士之稱。雖然近年南美自由盃歷史上完全空白，但係今年再加碼，羅致浦和紅鑽前鋒華盛頓同保地花高射手杜度，前鋒線就更加如虎添翼。呢Pair拍檔加盟後，今屆比賽都算交足功課喇！講到防守，佢就更加係今屆分組賽當中失球最少隊，六場波只失三球，加埋淘汰賽總共都只係失九球，絕對可以話攻守兼備。有咁好數據支持，一於早落注等收錢啦！

決賽採主客兩回合淘汰制，若兩回合總比數賽和，作客入球不會被計算，即在次回合九十分鐘後加時三十分鐘，加時再和，則以互射十二碼分勝負。