公仔箱論壇 - Powered by Discuz! Board

標題: 人民武士飛躍進步 [打印本頁]

作者: nt1972 時間: 2016-1-22 04:15 AM 標題: 人民武士飛躍進步

昨周四排位朝，跳馬好熱鬧。草地 1 8 0 0 米出試馬：「人民武士」莫雷拉跳兩段，身靚勁力貫注，狀態越戰越勇。「明月千里」跳兩段，收身靚，大步奔馳一氣呵成，神情專注，勝後勤操勇況續添。「佳龍駒」田泰安跳兩段，末段加速有反應，熱身後保持好進度。

「超有利」梁家俊拍「正先生」黎海榮彈閘，前駒入閘有點扭計，一向有此舉動，然起步均順利，走來步大力雄，馬身收得靚，狀態靚番晒；後駒跟貼表現已唔曳，狀態僅屬初起。

大圈出跳馬：「四小福」史卓豐拍「人生路」跳三段，後駒貼欄先放，多操減肥上力，保持好進度；「四小福」輕鬆跟隨，馬身喼得壯，毛水深潤，出腳開揚有勁勢，以輕鬆姿態跟上同衝刺，兩捷後操養得宜，保持最佳狀態。

「點解」跳兩段，身靚毛色深潤，走過神氣十足，過步輕盈有勁，心火旺，狀態保持大勇。「活力小駒」跳兩段，經悉心操練，收身靚，落腳輕爽有力，試大閘一再展現好走勢，健康好轉狀態冒勇。「錶之勝」跳兩段，戴頭罩，慢開直路稍加快，墜手但唔急，馬頭擺正，翻步急密有力，當起馬勇熟續添。

「雷神」蘇兆輝跳兩段，走中檔，全程快開，走來淡定唔性急，馬身茁壯紮實，落腳急密有勁，上仗跑得好，繼續原庄配搭，狀態續有進展。

「軍勇戰神」蘇兆輝跳兩段，按住走中檔，收身毛水靚，出腳開揚，放鬆了走來淡定勁力貫注，上課草地拍跳，省騎衝刺力強，狀態反覆仄準。

「駟寶」跳兩段，馬身收得靚，毛色轉深潤，走過情緒好集中，步伐挺勁暗火湧現，成熟進步，狀態已呈大勇。

「摩高一丈」莫雷拉拍「活力歡騰」跳三段，一對馬都戴頭罩，後駒貼欄帶放，身靚步闊有力，狀態長期見好；「摩高一丈」入直路展衝刺，洒開大步奔馳，電算機前加速撲上，反應相當好，悉心操練下勇態已起。

「首飾太陽」跳兩段，戴頭罩，收身線條盡顯現，出腳開揚勁勢增添，心火湧現，勝後加強備戰，試閘大把在手，狀態又邁進一步。「超順暢」跳兩段，走中檔，馬身收得結實，墜手勁力貫注，心火湧現，狀態起得更好。

歡迎光臨公仔箱論壇 (http://os.tvboxnow.com/)