公仔箱論壇 - Powered by Discuz! Board

標題: 南華勇將五檔好跑 [打印本頁]

作者: nt1972 時間: 2015-6-10 05:09 AM 標題: 南華勇將五檔好跑

柏寶、潘頓今晚都有惡馬，尤其是前者，搏開贏開手風順，連排檔抽獎都有運，頭四匹座騎抽一、二檔，有力繼續交出好成績。

第二場：五班 1 6 5 0 米
除柏寶的「野外桃源」抽二檔外，韋達「進攻足球」，潘頓「南華勇將」分抽一、五檔，同場其他馬要過此三關，唔容易！

博 WP 鍾意「南華勇將」，近來根本無用力，對上三場都非真輸，大前仗泥地，近兩仗都抽外檔，無法蝕得起，與狀態完全無關，今次用潘頓回跑谷草一哩，排五檔條件唔同晒，交回三場前同程拍住「神電金剛」同到水準，夠贏！

「野外桃源」上次初落五班，表現失望，覺得跑得密是主因，今次隔一個月，有足夠時間回氣，埋門拍跳、大閘走勢都見好，可博前列返來。「進攻足球」上次落五班即輸近，今場換韋達抽一檔，加上季內始終曾勝四班 1 8 0 0 米，縱覺一哩稍短，也要加入。

餘下一選，從「晨采」及「威加威」二揀一，始終覺前駒證明較多，今場快馬不多， 1 1 檔仍有望切入守前列；後駒朝早試跑似模似樣，出賽則仍欠缺具說服力演出，靠估限做邊線腳。

「比你高」近況穩定， 1 2 檔則蝕章。「跑贏大市」重戴開縫眼罩，起碼有求變意圖，過去五場上名都用此配備，變動正確，可是排 1 0 檔用巫斯義，唔敢揀。「日月光華」重口缺點仍有待改善。「開心得意」五月尾曾缺課。「鑽飾天使」一哩嫌長。「奄尖大少」馬已老，退步。「大埔福星」好沉。

策略：買 6 W ， Q 頭一注 3 ， 4 ， 6 鐵角，另一注用 6 膽拖 3 ， 4 ， 7 。

第七場：三班 1 6 5 0 米
認定「馬上發財」、「馬飛龍」、「金匯龍華」及「駿將」為買 Q 核心組合。

「馬上發財」上仗換雙杆形咇，落場跑無鬥口，人馬都跟得舒服，未能抗衡「金剛仔」，賽績不算太強，但鍾意復課後試跑，神情、韁口又再鬆的，有進步。

「馬飛龍」上仗快步速彎位發力，最後 5 0 米未能再加速，然而這個第二水準高，不擔心再抽外檔，若見今晚外叠有得追，博 W 都可以。「金匯龍華」上仗淋地走外叠跑第三，姿態幾勉強，經驗始終唔夠，亦信跑正常場地會較好，今次抽一檔，起步可因應形勢，選擇自領或守包廂位，計數有「肯利多」可能會搶，希望蔡明紹唔好亂來！

「駿將」上仗轉彎受阻，失平衡後，直路修正再衝，衝勢唔錯，復課硬性要考閘，告達理刻意揀試谷草大閘，反映誠意，排外檔情況與「馬飛龍」相近，只要場地有得追，也有威脅。「國粹精華」連搏兩場用力頗多，隔三周能否保持，不無疑問，只作備選。

「大寶藏」黃皓楠未必騎得掂。「黃金宅男」不宜一再畀藉口。「非常堅」一哩略促。「根深柢固」出盡力贏馬後，加分已難再上，轉馬房復出先觀望。

「豁達瀟灑」回升三班，用杜利萊排外檔，條件唔夠。「凱旋星光」復課進步不多。「肯利多」重口問題無改善。
策略： Q 3 ， 6 ， 8 ， 1 1 互串。

冷 WP ：人和家富上仗唔簡單
「人和家富」今鋪排 1 0 檔用巫斯義，確係幾得人驚，但賽前見巫斯義落咗唔少心機，馬狀態又好。上次全程走外叠，遇超慢步速，途中又鬥口，都以全場最快末段 2 2 秒 2 追近，再次確認能力唔簡單，今場博有足夠快馬，望馬群拉得散，只要楔到埋二叠，夠贏。

歡迎光臨公仔箱論壇 (http://os.tvboxnow.com/)