公仔箱論壇 - Powered by Discuz! Board

標題: 恨做阿四恨到發燒愛華頓踩住韋斯咸上 [打印本頁]

作者: may5411 時間: 2008-3-22 11:43 AM 標題: 恨做阿四恨到發燒愛華頓踩住韋斯咸上

　今個星期英超，球迷焦點相信都會放聽日「英超Big4」大戰身上，但從博彩價值而言，兩場波一都唔好賭，反而今日八場英超，樂比仔有唔少心水，故一口氣推介三場畀大家參考，就係紐卡素、阿士東維拉同愛華頓，三支都係主隊，一於整條主W三串一。

　　無論去玩，或者屋企，都冇人想做「阿四」，對中國人而言，「四」字死死聲更係唔吉利，不過英超愛華頓愛「四」愛到發晒狂，誓要殺入前四參戰歐冠盃，今晚主場對近期頻捧蛋韋斯咸，「拖肥糖」必定踩住對手上，兼為下仗作客利物浦壯行色。（now 632周日凌晨1時15分直播）

　　「拖肥糖」主場只忌「Big4」

　　愛華頓近年經常屈居「Big4」之下，最威都係○四至○五年度球季力壓同市死敵利物浦到第四，可惜隨後歐聯外圍賽出局，未能擺脫英超「二等公民」身份。今季又係「拖肥糖」進軍下屆歐聯良機，佢依家落後利物浦三分，若然月尾作客擊敗「紅軍」，大家再鬥直路，因此愛華頓冇理由會今仗失分畀韋斯咸。

　　再睇愛華頓今季聯賽主場成績，更加可以畀到大家信心，十四戰之中只係輸過畀曼聯、利物浦同阿仙奴，另外十一仗取得九勝二和，除「Big4」之外，其他英超球隊去到葛迪遜公園球場難有好下場。

　　「錘仔」軍心不穩惡唔出樣

　　「錘仔」近期食蛋食到肚屙，月初連續三場輸○比四，雖然上仗勉強反勝布力般流浪，不過表現並唔突出。而且球隊近期頻頻傳出軍心不穩消息，領隊古比士利好有可能今季結束後重返查爾頓，會方日前更聘請意大利人拿利為技術總監，擺明係作為接替古比士利人物。

　　事實上，韋斯咸球員一直都唔妥古比士利，認為佢領軍方式太傳統同保守，依家佢極有可能下台，一班球員更加唔使畀面佢，古比士利已成為有名無實領隊，點惡得出樣！

作者: jasmic 時間: 2008-3-26 02:10 PM

:014: :014:

歡迎光臨公仔箱論壇 (http://os.tvboxnow.com/)