公仔箱論壇 - Powered by Discuz! Board

標題: [討論] 對今季曼聯既個人意見 [打印本頁]

作者: 風雨同露 時間: 2013-12-6 11:36 AM 標題: 對今季曼聯既個人意見

又開季到而家睇左咁多位曼區會員既言論再加上莫耶斯呢隊曼既表現
大家都好清楚莫耶斯未教過大球會,明顯佢係唔夠料,唔夠底氣係帶曼聯呢d大球會,而且佢上任以黎做左兩件最錯既事 :
1. 炒哂成個舊教練團,重新組過自己既班底以致要重新摸索過所有球員既特性,能力
2. 買人猶豫不決,講左n年既中場問題到臨轉會市場完結之前先賴屎式咁買左個可能唔適合,唔係當初想要既費蘭尼番黎,導致今屆人腳上既補充唔夠

其實有時係不得不神化費sir,就係因為佢帶左咁耐曼聯,所以先可以咁了解隊波既特性,將一班本身能力唔強既球員令到佢地發揮得咁好,而且費sir亦有佢既魁力係度,以往球隊落後既時候果種誓要反勝你既魔性係佢先可以俾到班球員,而家莫耶斯係絕對俾唔到
我覺得其實大家成日執著隊波明明上年係奪冠,今年明明仲多左個費蘭尼點解會搞成咁係冇意思,就算俾第二個教練曼聯頂盡都係爭前四,皆因阿車鏝實book定頭三
阿記 : 奧斯爾加盟,隊波又冇主力走,藍斯同基奧特大爆發,費明尼回歸穩固中後場,人腳,隊波狀態上明顯強過你
曼城 : 又花一億買人,阿古路加尼格度入球停不了,中場,後備亦好強大,主場亦好強勢
車仔 : 摩佬回歸,艾巴又肯駛錢買人,夏薩特等球員又有質素保證
利記係因為暫時黎睇都係好倚重SCS前場3叉戟組合,尤其是so7,所以今年本來爭第4個位曼聯最大既對手係利記,當然熱刺都有機,修頓同愛記始於板凳未夠,但係搞到而家咁我諗大家都驚分分鐘連歐霸都冇得打,暫時睇落,熱刺,愛記同修頓既隊型同發揮都好過曼聯
不過點都好,就算邊個教都好,你唔可以要求一個新教頭(唔淨止係講莫耶斯)帶住一班一線尾二線頭既球員去衝擊頭三,咁講睇落好睇低班波,但係我之前都講過,費sir走唔淨止係一個換教頭既舉動咁簡單,唔同車仔,利記果d換教頭咁樣,突然間冇左咁精神支柱對成隊曼聯球員既心理影響係好大
再講,講真隊波有幾多世界級球員大家真係數到,上年唔係靠前面雲佩斯,中場卡域克,後面迪基亞同埋小豆不時後備絕殺,再加上其他球隊有各自問題都未必拎到聯賽冠軍
就咁以成隊波腳既人腳黎睇 :
龍門比較放心,可以唔講
後防里奧就唔講,維迪都開始跌,係咪個個都信哂伊雲斯,史摩寧未來可以擔大旗,我諗大家都有保留,左閘艾夫拿就算點繼續有貨交都冇可能場場走上走落,何況又係老,畢拿,法比奧又未有機會證明,右閘拉菲爾算係比較放心,但係一傷又係冇替補
中場中卡域完都開始老,其餘果d唔係時好時好壞就係唔知幾時出得,係得鍾斯打防中越黎越好
翼就更加唔洗講,華西冇內切能力,現今足球係好講求翼鋒能夠內切入中路既能力,拿尼最後一腳既質素進步太少,楊格就算,zaha同贊勞沙都係未來既事,好難要求佢地有穩定既演出
鋒線黎講韋碧黑就算,俾既時間實在太多,小豆冇供應就隱形,係得雲朗夠cast
總結黎講,人腳上有咁多不足冬天唔買人季尾肯定冇前四
講左咁耐其實都未講換帥問題,老實講而家換帥有邊個比你揀,呢隊咁既曼聯會有幾多人想帶? 當初費sir,高層決定搵莫耶斯,仲要簽6年俾佢明顯係想製造第二個費sir,等佢慢慢建造自己既曼聯,我唔係話要贊成定反對換帥,只係如果而家換帥好大機會都係搵個過渡甚至黎左個更差,跟住球隊戰績唔好 > 換帥咁只會同以往車仔一樣,無限loop

其實曼迷俾人話glory hunter係因為大家都習慣處於領先既位置,爭冠既位置,奪冠既位置,勝利既位置,之前都有曼區會員講過,就好似一個富二代食慣鮑參翅肚突然間要佢食碟頭飯佢地梗係適應唔到,我亦見到有曼區會員留言係話"我鍾意曼聯就係因為佢地追求勝利"呢d說話
到左而家,大家係想曼聯既未來係點樣? 呢個世界風水輪流轉,而家轉左大家都睇到
大家係傾向將未來交俾莫耶斯,但係唔知成唔成功分分鐘冇前四冇歐聯然後星散從此變左第二隊利記唔知幾時先復興丫?
定係換帥破釜沈舟希望過渡左今年但係分分鐘又衰多兩錢重然後重覆戰績差換帥呢d惡性循環呢?

作者: mak007 時間: 2013-12-7 05:37 PM

聯賽…基本尚都機會唔大，前四都成問題…歐聯都只係幻想…聯賽盃、足總盃…？最怕係…惡夢啱啱開始…！

作者: hwj100 時間: 2013-12-8 02:52 PM

莫耶斯的表現真是一般，到現在都唔知距想點。

歡迎光臨公仔箱論壇 (http://os.tvboxnow.com/)