公仔箱論壇 - Powered by Discuz! Board

標題: 男人成功三訣 [打印本頁]

作者: mmmclll 時間: 2013-5-28 10:57 AM 標題: 男人成功三訣

男人成功三訣泰國Ａ話曼谷St Regis酒店之住宅單位賣得好貴，問佢貴成點，佢話因地點優良，有高鐵站，去邊度都咁方便，已經去到三十萬銖一平方米嘅天價，左丁山用新近匯率3.6或3.7拆算，即係大概7540港元一呎，唔貴啫，連成日唔升嘅沙田駿景園都唔止呢個價錢，莫講話市區禮頓山或麥當奴道豪宅。泰國Ａ話曼谷與香港冇得比較，幾年前，曼谷人仲係聽慣十幾萬銖每平米而已！七千幾蚊一呎，香港上等人家當係濕碎啦。St Regis呢類豪宅嘅銷售對象，最啱在泰國開廠嘅富裕廠家，買番一層三千呎都只係港紙二千幾萬，在香港點買到一家咁豪質素嘅住宅？os.tvboxnow.com5 i h4 L) B, k3 n* S
講起四季酒店，左丁山念念不忘，呢間酒店嘅早餐，好過Kempinski何止十倍，住在Kempinski住一次就算，下次咪搞，唔啱左丁山呢類人，包早餐喎，其實只係餐餐食麪包，其餘一無足觀，差到極，不吃無損失，左丁山食咗四朝麪包餐，為之口糠糠，好彩晚餐豐富補足有餘。第一晚到Zanotti，最物有所值，百吃不厭。第二晚吃香格里拉香宮，水準勉可保持，但與1997相比，餐價貴晒，水準則拾步而下，比較失望。第三晚在文華東方吃燒烤自助餐，收費貴到極，每人收2776銖（750港元），仲貴過香港半島酒店自助餐，但質素差一皮噃，與曼谷四季嘅Sunday Brunch相比，價錢好似係只貴一百銖，但人地四季嘅自助餐以食物數量、質量及包酒水計，勝出何止一籌，下次唔會再去文華東方吃自助餐咯。呢間酒店在曼谷嘅中文名字叫荷良丁，泰文發音係Or-Lang-Ding，讀Mandarin Oriental，司機唔識聽，的士司機隨時會車咗去近曼谷火車站附近嘅Mandarin Hotel（一間好普通嘅酒店）；第四晚請泰國恩人夫婦及兩位千金到半島湄江中餐廳，發行界大佬強哥舊年去過，大力推薦，而恩人家在吞武里，去半島最方便，起碼唔駛過河。由於吃飯時間係六點，識廣東話，來自香港嘅大廚親自出嚟招呼，真唔話得，有佢寫菜落單，由佢監製，放心得落啦。恩人食得好高興，猛話alloy mark（好好味），86歲咯，愈食愈精神，繼續教訓後輩：「記住，男人出來做事，成功要靠三件事：「How you dress，how you drink，and how you talk! Forget about your diploma!」係嘅係嘅，受教好耐咯。
& U* {& N& L- J( h/ C
; Y' S# m J/ N5 x: |
From AppledailyTVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。& h: _6 m- P" Y; x7 ]
左丁山

歡迎光臨公仔箱論壇 (http://os.tvboxnow.com/)