公仔箱論壇 - Powered by Discuz! Board

標題: BRAVIA X9000 4K鮮發制人 [打印本頁]

作者: nt1972 時間: 2013-4-24 01:39 PM 標題: BRAVIA X9000 4K鮮發制人

每逢有新顯示技術面世，各大電視廠都會將之植入旗艦產品內，之後逐步普及到其他型號。正如Sony年初推出84吋4K電視BRAVIA X9000，第二步自然是將4K技術普及至「細尺寸」型號。所謂「細尺寸」，換上新外形的X9000備有55吋及65吋選擇，無論Size或售價都平易近人得多。但講到突出，肯定係新機配備最新TRILUMINOS Display LED背光技術，顯示色域更豐富更鮮艷，原來尺寸細咗都可以靚得更多！

色彩變化富層次市面上的4K電視多以大尺寸為主，但以香港家居環境去睇，55吋型號更符合實際需要。由於4K電視的觀賞距離比同尺寸Full HD電視近一半，以55吋X9000為例，觀賞距離可近至1.1米，擺位再冇難度。新機除了搭載4K X-Reality PRO影像處理引擎提升畫質外，最強係引入TRILUMINOS Display LED技術，無論紅、綠、藍嘅色域都擴闊咗好多，能顯示出更具層次的色彩變化。於Sony自家的4K試片上，有段擺滿紅色物件的房間，以及滿布綠草的大自然，每種色調都清晰分明；另可佩戴更輕巧的被動式3D眼鏡睇立體影像，自建3D家庭影院就係咁簡單。

Sense of Quartz設計以往BRAVIA電視沿用Monolithic Design，到新一代X9000開始植入Sense of Quartz概念，於產品加入幾何圖案設計，如圓形的金屬底座配上長方形屏幕，感覺猶如一塊石英懸浮在半空之上。細位設計方面，機底招牌內藏一盞能發出柔和光線的LED燈，開關時會着白燈，連接流動裝置時會着綠燈，錄影時會轉紅燈，感覺特別。而屏幕兩旁亦隱藏了前置式喇叭，植入自家磁流揚聲器同數碼訊號處理技術，在2.2聲道設計下總輸出達65W，扭到幾大聲都唔會拆。

手機畫面電視睇新一代電視好着重網絡等增值功能，X9000可經Wi-Fi玩到一系列網上服務之外，更提供嶄新One Touch Mirroring功能，能連動支援NFC及屏幕鏡射的Sony Xperia手機。用家只要拎住手機輕輕一碰One Touch遙控器，只需兩三秒便可將手機畫面無線投放到4K電視上，睇片、玩Apps、打機都做得到；當然亦可經MHL功能，將幾吋畫面的手機內容「投射」到幾十吋大電視上。

規格表
顯示尺寸：55吋、65吋
解像度：3,840×2,160
影像技術：4K X-Reality PRO影像引擎、MotionFlow XR 800Hz、分區背光控制技術
音　　效：2.2聲道（65W輸出）
HDMI：4組

同場加映3D BRAVIA新登場之前3D BRAVIA電視都是以主動式3D為主，到即將推出的W800系列3D BRAVIA，終於改玩被動式3D設計，但其規格會較入門。而走高階路線的W950系列則沿用主動式3D設計，結合TRILUMINOS Display LED技術及雙向低音反射音頻揚聲器，迎合不同用家需要。

4K 5.1聲道家庭影院廠方同期推出以白色為主調、襯以湖水藍的4K 5.1聲道3D藍光家庭影院組合BDV-N9100WL。4K藍光機融入特別切割造型，貫徹Sense of Quartz主題，操作時座地喇叭跟藍光機更會泛起藍光。播放模式中，最特別是加入球賽模式，系統蒐集大型賽事的現場音效後，調校出極富臨場感的效果，仲可以Mute咗旁述，盡情享受球場的歡呼聲。

作者: ob51330 時間: 2013-4-29 06:35 PM

2K 剛出冇耐,咁快4K又出塲

歡迎光臨公仔箱論壇 (http://os.tvboxnow.com/)